Өчигдөр ЗЦГ-т зам тээвэр осол хэргийн 253  дуудлага хүлээн авснаас ХАБАЖЭГХ 18 гарч 21 хүн гэмтсэн зам тээврийн осол 22 бүртгэгдсэн байна. Согтуугаар тээврийн хэрэгсэл жолоодсон 65 жолоочийг журамлан саатуулжээ. Согтуутай холбоотой зам тээврийн осол хэрэгт 6 бүртгэгдснээс жолооч 4, явган зорчигч 2 байна. Зам тээврийн осолд 4 хүүхэд бүртгэгдснээс сургуулийн өмнөх насны 3 хүүхэд сургуулийн насны нэг хүүхэд өртжээ. Сургуулийн өмнөх насны хүүхдийн хувьд эцэг эх нь хүүхдийг тээврийн хэрэгслээр зөв тээвэрлээгүйн улмаас бэртэж гэмтэж байна. Энэ талаар удаа дараа сануулж байгаа боловч эцэг эхчүүд ухамсарлаж чадахгүй байгааг анхаарах хэрэгтэй хэмээн Замын цагдаагийн газраас анхааруулж байна. Нийслэлийн Засаг даргын А\782 тоот захирамж гарсантай холбоотойгоор тээврийн хэрэгслийг тэгш сондгой тоогоор замын хөдөлгөөнд оролцуулж байгаа. Дугаарын хязгаарлалтай холбоотойгоор жолооч нар бусдын улсын дугаарыг зүүж хөдөлгөөнд оролцсон зөрчил 20 бүртгэгдсэн байна. Иймд дээрх зөрчил гаргаж буй жолооч нарын тээврийн хэрэгсэл жолоодох эрхийг ЗХТХ-ийн 25-5д заасан заалтаар 2 жил хүртэл хугацаагаар хасах арга хэмжээ авч байна.