Нийслэл хотод хүүхдээс үйлдсэн, хүүхдийн эрх ашиг хохирсон гэмт хэргийн нөхцөл байдал  2013 оны эхний хагас жилийн байдлаар 106 хэрэгт 337 хүүхэд холбогдож гэмт хэргийн улмаас 516 хүүхэд хохирсон байна.

Хүүхдээс үйлдсэн гэмт хэрэг, гэмт хэргийн улмаас хохирсон хүүхдийг өнгөрсөн оны мөн үетэй харьцуулахад хэрэг 46,7 хувиар холбогдогч 8,6 хувиар тус тус буурч, хохирогч 19,1 хувиар тус өссөн байна.

Гэмт хэргийг хэргийн ангиллаар нь авч үзвэл,  2013 оны эхний 6 сарын байдлаар хүүхэд холбогдсон хөнгөн гэмт хэрэг 52,3 хувиар,  хүндэвтэр гэмт хэрэг 43.2 хувиар,  хүнд гэмт хэрэг 40 хувиар, онц хүнд гэмт хэрэг 50 хувиар тус тус буурсан байна

Нийслэлийн хэмжээнд хүүхдээс үйлдсэн хүнийг санаатай алах гэмт хэрэг 60 хувиар, ББМБГУ хэрэг 35.7 хувиар, булаах 40 дээрэмдэх 41,6 хувиар, залилах 62,5 хувиар танхайрах 30,7 хувиар тус тус буурч, хүчиндэх гэмт хэрэг 55.5 хувиар, хулгайлах гэмт хэрэг 7,8 хувиар өссөн байна.

Хүүхэд гэмт хэрэг /46,7 хувиар/ үйлдэж,  холбогдох /8.6 хувиар/ нь дээрхи тоон судалгаанаас үзэхэд буурч байгаа хэдий ч хүүхэд гэмт хэрэгт хохирсон тоон үзүүлэлт 19,1 хувиар нэмэгдсэн байна.

 Гэмт хэргийн төрлөөр нь үзэхэд хулгайлах, хүчиндэх гэмт хэрэг өмнөх оны мөн үеийнхээс өссөн үзүүлэлттэй байна. Мөн гэмт хэрэг үйлдэж буй орчин нь гэр орон сууц, гудамж талбайд ихэнх хувь нь үйлдэгдэж, оюутан үйлдсэн гэмт хэрэг 4.6 хувиар өсчээ.

 Гэмт хэрэг үйлдэгдэж буй өдрүүд нь ажлын өдрүүд буюу даваа. мягмар, пүрэв гаригт ихэнхи хувийг эзэлж, 14-19, 22-06 цагийн хооронд гэмт хэрэг үйлдэгдэх нь ихэнхи хувийг эзэлж буй үзүүлэлттэй байна.