"Центрпойнт"-ын гэх хэрэг анх 2002 онд гарч байсан. Энэ хэрэг тухайн үед эрүүгийн гэмт хэрэгтнүүд, томоохон комнанийн захирлууд, улстөрчдийг дарамталж, зодоон цохиондоо хүрсэн явдал юм. Үүнээс үүдэн "Центрпойнт"-ын гэх дуулиант хэрэг гарч, нийгэмд шуугиан тарьж байсан билээ. Энэ үед зах замбараагүй байсан гэмт бүлэглэлийг тухайн  үед бага ч болов хумиж чадсан гэдэг.  Тухайн үед Дамбын Хишгээ, шөвгөр Өлзий нарыг баривчлан хорьсныг хэн хvнгvй мэднэ. Бас энэ хэргээс болж олон хүн шалгагдаж хоригдох нь хоригдож байсан юм.  Тэгвэл энэ хэрэг УИХ-ын гишүүн Н.Номтойбаяр хүн хутгаллаа гэх мэдээллээр дахин сөхөгдлөө. Тэрбээр хэргийн талаар дөнгөж сая тайлбар хийгээд байна. “ Би хүн хутгалсан юм биш ээ. Өчигдөр орой 23 цагийн үед Төрийн ордны хойно байрлах нэгэн ресторанд “Шинэ дэлхий” телевизийн захиралтай ажил хэргийн уулзалт хийгээд сууж байхад согтуу нөхөр орж ирсэн. Ингээд “Шинэ дэлхий” телевизийн захирал залууг үг хэлээр өдөж, улмаар зодох гэж дайрахад нь би өмөөрсөн юм. Гэтэл тэр хүн над руу хутга барин дайрсан. Би тэр хүнийг сайн мэдэх ч үгүй, таних ч үгүй. Ямартаа ч эрүүгийн ертөнцөд нэлээд зард гарсан, "Центрпойнт"-ын хэргээр ял эдэлэж байсан  “Монлоо” хочит Нямдорж гэдэг хүн байсныг мэдэж авсан” гэв.

Тэгэхээр Н.Номтойбаярын хэлснээр түүнрүү хутга барьж дайрсан хүн "Центрпойнт"-ын гэх дуулиант хэрэгт ял эдэлж гарч ирсэн хүн мөн бол дахиад л энэ хэрэг сөхөгдөх нь. Учир нь "Центрпойнт"-ын тодотголтой хэрэг гарч байхад ч яг энэ процесс шиг  “XLTA’-ийн Батболд нар ажил хэрэг ярилцан сууж байтал гаднаас нэг согтуу нөхөр орж ирэн, агсарч “гахай” хочит Төмөрөөг (өмнө нь Б.Жаргалсайханы хүн байсан) хутгалснаар хэрэг явдал мандаж байсан гэлцдэг. Ямартаа ч "Центрпойнт"-ын гэх хэрэгт холбогдож байсан бүх хүмүүс хутга барьж хүн рүү дайрч, дарамтлаад яваад байдаг юм биш биз гэсэн хардлага нийгэмд бий болоод байна.