Шатахууны хомсдол үүсгэсэн гэх шалтгаанаар “НИК”-д 4.9 тэрбум төгрөгийн торгууль ШӨХТГ-аас оноосон билээ . Үүний хариуд "НИК"  ХХК-ийн зүгээс ШӨХТГ-ыг шүүхэд өгсөн байна. Тодруулбал, "НИК" ХК шатахуундаа орон нутгийн сонгуультай холбоотойгоор зохиомол хомсдол үүсгэсэн нь тогтоогдсон байна. Энэ хэргийн шүүх хурал удахгүй болох аж. Үүнээс гадна ШӨХТГ-тай холбоотой долоо, найман шүүх хурал хүлээгдэж байгаа аж. Заримыг нь ШӨХТГ-аас шүүхэд өгсөн, зарим нь ШӨХТГ-ын эсрэг гомдол гаргасан байгаа гэнэ.Тиймээс ШӨХТГ-ын хувьд маргаан бүр дээр хуульчдын баг гаргаж байгаа юм байна.   "Тэгвэл Шударга өрсөлдөөн, хэрэглэгчийн төлөө газрын улсын байцаагч М.Мөнхбаяр, Ж.Очирхуяг нарт холбогдох, Нийслэлийн Захиргааны хэргийн шүүхийн 2013 оны 4 дүгээр сарын 09-ний өдрийн 153 дугаар шийдвэр, Захиргааны хэргийн давж заалдах шатны шүүхийн 2013 оны 7 дугаар сарын 04-ний өдрийн 208 дугаар магадлалтай захиргааны хэргийг нэхэмжлэгчийн гомдлоор энэ сарын 7-нд дээд шүүхээр авч хэлэлцэх юм байна.