Татвар төлөхөөс зайлсхийсэн гэх үндэслэлээр АТГ-т шалгагдаж байсан Татварын ерөнхий газрын дэд дарга асан Ж.Батбаярт холбогдох хэргийг хэрэгсэхгүй болгожээ. Түүнд холбогдох хэргийг АТГ-аас өнгөрсөн есдүгээр сарын сүүлчээр харьяаллын дагуу УЕП-ын дэргэдэх Мөрдөн байцаах хэлтэст шилжүүлсэн байна. Харин мөрдөн байцаахаас Нийслэлийн Прокурорт хянуулахаар шилжүүлжээ. Нийслэлийн прокурор тус хэргийг хянаж үзээд хэргийг хэрэгсэхгүй болгосон байна.