2014 оны төсөвт ам.долларыг 1384 төгрөгөөр төсөөлсөн нь багагүй маргаан дагуулсан билээ. Гэтэл өнөөдөр долларын ханш 1752 төгрөгт хүрч, төгрөгийн ханш унаад байна. Өмнө нь Ерөнхий сайд Н.Алтанхуяг, УИХ-ын дарга З.Энхболд нар 1700-д хүрээд байсан долларыг буулгана, ченжүүдийг алга болгоно гэх зэргээр мэдээлж байсан ч энэ бүхэн хэрэгжээгүй болохыг өнөөдрийн ханш харууллаа. Тэгвэл эдийн засагчид ирэх хавар долларын ханш 2000 төгрөгт хүрэх магадлал өндөр байгааг ярьж эхэлжээ. Үүнийг олон нийтэд ил, тод хэлэх хүн байхгүй байгаа ч ажиглагчид, шинжээчид доллар 2000 төгрөгт дөхнө гэдэгтэй санал нийлж эхэлсэн гэж эх сурвалж мэдээллээ. Хэрэв энэ мэдээлэл үнэн бол ирэх жилийн төсөв багагүй алдагдалд орох нь.