Гадаад харилцааны яамны Консулын газрын захирал Ш.Сүхбаатар Малайзад амь насаа алдсан Монгол Улсын иргэн Э-гийн талаарх дэлгэрэнгүй мэдээллийг өнөөдөр хийлээ.Монгол Улсын иргэн эмэгтэй Э-г амиа хорлож, өөрийгөө боомилсон байдалтай нас барсан тухай Малайзын тал Бээжин дэх Элчин сайдын яамаараа дамжуулан 2013 оны 11 дүгээр сарын 23-ны өдөр Монгол Улсын Элчин сайдын яаманд албан ёсоор мэдэгдсэн. Уг мэдээллийн дагуу ГХЯ талийгаачийн ар гэрийнхэнтэй нь холбогдон хэл дуулгасан бөгөөд тэд эл хэргийн талаарх илүү дэлгэрэнгүй мэдээллийг өгсөн. Ар гэрийнхэн нь талийгаачийг бусдын гарт үрэгдсэн байж болзошгүй талаар цагдаагийн байгууллагад өмнө нь мэдэгдсэн, харин Гадаад харилцааны яам болон Консулын газарт огт хандаагүй байжээ.
Талийгаачийн шарилыг авчрахад ар гэрийнхэнээс нь 11 дүгээр сарын 27-нд гаргасан хүсэлтийн дагуу Гадаадад байгаа иргэдэд туслах сангаас 6 сая төгрөгийн тусламж өгөх шийдвэрийг 11 дүгээр сарын 28-нд гаргаж мөнгийг төрсөн ахад нь гардуулж өгсөн байна.
Одоогоор талийгаачийг бусдын гарт амиа алдсан, амиа хорлосон эсэхийг тодруулахаар Малайзыг хавсран суугаа Бангкок дахь манай ЭСЯ-нд чиглэл өгөөд байна. Мөн Хууль зүйн яам болон холбогдох бусад байгууллагад энэ хэргийн тухай албан тоот илгээгээд байгаа. Шаардлагатай тохиолдолд Гадаад харилцааны яам, Хууль зүйн яамтай хамтран ажлын хэсэг гарган хэргийг тодруулна гэж Консулын газрын захирал Ш.Сүхбаатар мэдээлэв.
Монгол Улсын иргэн гадны улс оронд аливаа гэмт хэрэгт холбогдох, эрх ашиг нь зорчигдөж буй тохилдолд тус улсад суугаа эсвэл аль ойр байгаа ЭСЯ, Консулын газарт цаг алдалгүй мэдэгдэх, ар гэрийнхэн нь ГХЯ-ны Консулын газарт хандаж байхыг сануулж байна.
