Гадаад харилцааны яам гэхээр л төрийн албыг төрлийн алба болгосон доо гэх бодол хүмүүсийн санаанд зурвасхийн ордог биз ээ.  Яамны сайд нь өөрийнхөө найз нөхөд, хамаатан саднаа яамандаа шургуулсан гэх нэр зүүгээд буй тус яамныхан дахин нэг асуудалд орооцолдсон бололтой.

Тодруулбал, ГХЯ-ны Төрийн захиргаа, удирдлагын газрын дэд дарга О.Золбаяр, Дотоод аудит хяналтын газрын ажилтан Басбишийг зодож гэмтээжээ. Өөрөөр хэлбэл Гадаад харилцааны яамныхан хоорондоо зодолдож, гар зөрүүлсэн гэсэн үг.
Тухайн хэрэг “Вива” ресторанд энэ сарын 6-нд гарсан байна.Эх сурвалжийн мэдээлж буйгаар О.Золбаяр дарга тус ресторанд нэг ажилтанаа ажлаа өгөхийг шаардаж асуудал гаргасан байна. Харин түүний энэ үйлдэлд нь дургүйцлээ илэрхийлсэн Басбишийг зодож, хамрыг нь хугалж, хөмсгийг нь сэтэлжээ. Тэгвэл хэргийг одоогоор Сүхбаатар дүүргийн цагдаагийн хэлтэст эрүүгийн хэрэг үүсгэн шалгаж байгаа аж.

Бид эл хэргийн талаар эргэн мэдээлэх болно.