Улсын Ерөнхий прокурор Д.Дорлигжав Төрийн тусгай албан хаагчдын нэгдсэн эмнэлгийн шинэ байрнаас болж Ерөнхий сайд Н.Алтанхуяг, Хууль зүйн сайд Х.Тэмүүжинг шүүхэд өгчээ. Учир нь тус эмнэлгийн барилгад УЕПГ болон яамны зарим агентлагийг оруулна гэж байжээ. Гэсэн ч өнөөдөр үүнээсээ буцаж, Мөрдөн байцаах газрыг оруулна гэсэн байна. Ийнхүү амласнаасаа буцсан сайдыг Ерөнхий прокурор Сүхбаатар дүүргийн шүүхэд өгч, нэхэмжлэл гаргасан бөгөөд шүүх хурал өчигдөр болох байсан ч хойшилсон байна.
  Хууль зүйн яамны дунд "хэрүүлийн алим" болоод байгаа ганц эмнэлгийн барилгын асуудал яригдаад байгаа мэт боловч цаанаа томоохон улс төр явагдаж байгаа гэж хэлэх хүн байна.