Оросын газрын тосны Юкос компанийн захирал Михайл Ходорковский улс төрийн хүчнийхэнтэй орооцолдох сонирхолгүй, оронд нь хүмүүсийн төлөө ажиллана гэдгээ мэдэгдсэн гэж Оросын “RT” агентлагт дурджээ.
Оросын газрын тосны Юкос компанийн захирал Михайл Ходорковский улс төрийн хүчнийхэнтэй орооцолдох сонирхолгүй, оронд нь хүмүүсийн төлөө ажиллана гэдгээ мэдэгдсэн байна. Энэ талаар Оросын “RT” агентлагт дурджээ. Михайл Ходорковскийд газрын тосны орлого шамшигдуулсан, татвараас зугтаасан хэргээр ял тулгасан юм. Өмнө нь Оросын хамгийн баян хүн байсан Ходорковский ийнхүү 10 жилийг торны цаана өнгөрүүллээ. 1999-2003 оны хоорондох Юкос компаний ашиг болох 15.8 тэрбум ам.долларын 9.6 тэрбум ам.доллар болон 350 сая тонн газрын тос хувьдаа ашигласан гэж нэмж буруутгасан юм.
Ходорковский 10 жилийг өргөст торны цаана өнгөрүүлсэний эцэст өнгөрсөн Баасан гаригт суллагдсан. Үүнийхээ дараагаар тэрээр сэтгүүлчдэд хэвлэлийн хурал, зарлаж асуулт, хариултад нээлттэй оролцжээ.
Ходорковский 10 жилийг өргөст торны цаана өнгөрүүлсэний эцэст өнгөрсөн Баасан гаригт суллагдсан. Үүнийхээ дараагаар тэрээр сэтгүүлчдэд хэвлэлийн хурал, зарлаж асуулт, хариултад нээлттэй оролцжээ.
“Би улс төрд оролцохгүй гэдгээ Путинд илгээсэн захидалдаа удаа, дараа батлан хэлж байсан” гэж тэмдэглээд улс төрийн хоригдлууд тэр дундаа, түүнтэй Юкост хамтран ажиллаж байсан хамтрагчдыгаа суллуулах боломж байгаа эсэхийг судална гэжээ. Мөнгөнөөс болж сэтгэл нь шархалсан учраас Оросын улс төрийн нам болоод Юкосын нарийн ширийн асуудалд оролцохгүй гэдгээ сэтгүүлчдэд нээлттэй ярьсан байна. Тэрээр одоогоор компанийнхаа санхүүгийн асуудлыг хариуцахгүй байгаа юм. Мөн гэр бүлээ авч явах хангалттай мөнгөтэй гэдгээ ч нуугаагүй байна.
"Хэрвээ надад илүү их мөнгө хэрэг болвол, бизнесээ шинээр эхлүүлэх боловч одоохондоо амьдрахад хангалттай хөрөнгө байна. Гэхдээ хөлбөмбөгийн клуб худалдаж авахгүй. Би Юкос компанийн хувьцаа эзэмшигчид ялсан уу, эсвэл ялагдсан уу гэдгийг сонирхохгүй. Хувийн зүгээс энэ асуудалд оролцохгүй. Энэ асуудал миний хувьд хаалттай" гэж ярьсан байна.
“The New Times” сэтгүүлд тусгайлан өгсөн ярилцлагадаа Ходорковский өнгөрсөн долоо хоногийн Баасан гаригийн өглөө суллагдахаасаа өмнө ямар байдалтай байсан тухайгаа ярьжээ. Путиныг өршөөсөн болохыг урьдчилан мэдсэн учраас шоронгийн харгалзагч нар түүнийг суллахаар бэлтгэнэ гэдгийг мэдэж байжээ. Ходоровскийг онгоцоор тосч авсан бөгөөд гэнэт Берлинд ирэхэд гайхах хүмүүс цөөнгүй байсан юм. Өмгөөлөгч нь шинэ хувцас өмсгөлгүйгээр, хуучин, шоронгийн хувцастай нь авчирсан нь хүмүүсийн анхаарлыг татаж байв. Тэр ээжийнх нь бие тааруу байгаа учраас суллагдахыг хүссэн өргөдлөө Путинд бичиж, Германд ирэх бололцоо байгаа эсэхийг удаа дараа хүсч байжээ.
“11-р сарын 12-нд ээж минь Берлинд байсан. Эмч нар түүнийг гурван долоо хоногийн дотор ирэх боломжтой гэж хэлж байсан. Гэвч тэр Берлин рүү буцсан. Надад Берлинд ирэх боломж олгосон бурхандаа баярлалаа. “
Хэдийгээр Ходоровскийн суллагдсан ч гэсэн Юкос компанийн санхүүгийн зарга дуусаагүй байгаа юм. "Надад үүсгэсэн 550 сая долларын зарга хаагдаагүй байгаа" гэж тэр хэлжээ. Тиймээс Оросын дээд шүүхээс заргыг няцаах хүртэл Москвад буцах боломжгүй гэдгээ илэрхийлсэн байна. "Энэ хэргүүдийг шийдэгдтэл эх нутагтаа буцахгүй. Дашрамд хэлэхэд намайг суллахаад тусласан Германы канцлер Ангела Меркельд талархаж байна" гэж ярьжээ. Ходоровскийг сулласан энэ үйл явдал нь 2014 оны Сочи хотын өвлийн олимпын наадмын өмнө нэр хүндээ өсгөж, жуулчдыг татах гэсэн оролдого хэмээн барууны хэвлэлүүд тайлбарлаж байна.
Сэтгэгдэл (8)