Нийслэлийн Прокурорын газраас УИХ-ын зургаан гишүүнд эрүүгийн хэрэг үүсгэн шалгаж эхэллээ. Тодруулбал, Ё.Отгонбаяр Ж.Батсуур, Д.Хаянхярваа, С.Дэмбэрэл  нарын дөрвөн гишүүнийг шалгаж байгааг олон нийт мэдэж байгаа. Харин энэ хүмүүсээс гадна хоёр гишүүнийг шалгаж байгааг Нийслэлийн прокурорын орлогч Ц.Батболд хэлсэн юм. Гэхдээ яг хэнийг, ямар учраас шалгаж эрүүгийн хэрэг үүсгэснийг тэрбээр нууцалсан юм. Чухам яагаад нууцалж байгаагаа "мөрдөн байцаалтын явцад байгаа хэргийг мэдээлэхгүй" гэдгээр хаацайлж орхисон. Юутай ч энэхүү "нууц" хоёр гишүүнийг МАН-ын харьяалалтай гэдгийг зарим эх сурвалжууд хэлж байна.