Монгол Энэтхэгийн хамтарсан сургуулийн захирал Д.Гантөмөр нь албан тушаалаа урвуулан сургуулийн эзэмшил газраас, дур мэдэн бусдад шилжүүлсэн хэргийг АТГ-т шалгаж байгаа аж. Улмаар хэрэгт яллах дүгнэлт үйлдүүлэхээр Нийслэлийн прокурорын газарт хүргүүлжээ. Хэргийг тодруулбал, Д.Гантөмөр нь сургуулийн эзэмшлийн газраас 2011 онд иргэн Ж.Энх-Оюунд 422 метр квадрат, 2012 онд иргэн А.Бат-Эрдэнэд 837 метр квадрат,  Э.Болдбатад 450 метр квадрат газрыг шилжүүлэх хүсэлтийг гарган шийдвэрлүүлсэн байна. Ингэснээр тэрбээр улсад 36.1 сая төгрөгний  хохирол учруулсан юм.