“Формула-1” уралдааны долоон удаагийн аварга, Германы домогт тамирчин Михайл Шумахер шинэ оны өмнө осолдож, хүнд бэртэл аваад байгаа билээ. Эх сурвалжийн мэдээлсэнээр түүний биеийн байдал тун тааруу, комд ороод байгаа юм.
Шумахерын осолдсон газар
Михайл
Шумахер цанаар гулгаж байгаад жолоогоо алдаж, шидэгдсэн байна. Ингэхдээ цасанд дарагдсан
хад мөргөсөн юм. Тухайн үед хамгаалалтын малгайтай байсан ч унахад нь
сугарсан гэнэ. Францын Мерибел дэхь цанын баазад болсон золгүй явдлын
гэрч болж, цасан дээр цусны толбо үлджээ. Нэрээ нууцлахыг хүссэн нэгэн
Франц хүн “Бид ердөө хоёрхон минутын дотор ирсэн. Тэр хяналтаа алдаж,
цасанд дарагдсан байсан” хэмээн ярьжээ. 44 настай тамирчны менежер хурд
хэтрүүлж яваагүй гэдгийг нь батлан хэлж байгаа юм. Шумахерын эхнэр
Коринна нөхрөө сэргэхийг хүлээж, эмнэлэгт хүлээсээр байгаа ажээ.
Эхнэр Коринна Шумахерын хамт
Эхнэр Коринна Шумахерын хамт
Эмнэлгийн
дарга профессор Жан Франсуа Пэний хэлсэнээр түүний биеийн 40-45 хувь
шархадсан байгаа бөгөөд аврахын тулд эрчимт эмчилгээ хийж байгаа аж.
Өчигдөр цусны бөөгнөрлийг нь арилгаж, тархины үйл ажиллагааг
сайжруулахаар хоёр дахь мэс заслыг хийсэн байна. Биеийн дулаан нь 34-35
хэм болтлоо буурч, тархин дахь цусан хангамж мууджээ. Шумахерын
эмчилгээний багийнхан ямар нэгэн таамаглал хэлэхийг хүсэхгүй байгаа
бөгөөд тархины шарх хүнд гэдгийг онцолсон байна. Хагалгаа хийж,
тархины гэмтлийг эдгээх боловч ирээдүйд ямар үр дүнтэй байх, цаашид гаж
нөлөө үүсэх эсэхийг таамаглаж чадахгүй байгаа ажээ.
Тархины гэмтлийн зураг
Мерибельд Шумахерын эзэмшиж байсан бяцхан байшин
Тархины гэмтлийн зураг
Тамирчны
ухаан санаа эрүүл бус байгаа энэ үед цанын баазын удирдлагаас
сэтгүүлчид тодруулахад "Шумахер манайхыг сайн мэддэг байсан. Байнга
үйлчлүүлдэг байсан" хэмээн ярьжээ. Сүүлийн саруудад цасны нягтрал бага төдийгүй,
хад, чулуунууд цасанд дарагдсан гэдгийг хэлж байгаа юм. Түүний төлөө
Германы хэдэн сая иргэн залбирч байна.
Шумахер
бол бүх цаг үеийн хамгийн одтой, хурдтай тамирчин бөгөөд 2012 оны
сүүлээр албан ёсоор задаг тайлсан юм. 2009 оны хоёрдугаар сард Испанид
болсон тэмцээнээс толгой, хүзүүндээ хүнд гэмтэл авч байсан. Түүнээс хойш
хүзүү нь байнга зовиурлах болсон гэнэ. Тиймээс ч сүүлийн шарх нь энэ зовиур дээр нэмэгдсэн байна. Тамирчны гэр бүл Швейцарьт 50 сая паундын үнэ бүхий харшид
амьдардаг юм. 2010 онд тэрээр Мерседесийн багийнхантай жилийн 30 сая
долларын гэрээ байгуулж байв. Тэрээр уралдаж байх үедээ 800 сая долларын
ашигтай ажиллаж байсан бол одоо 11,2 тэрбум долларын хөрөнгөтэй ажээ.
Сэтгэгдэл (1)