Өнөө өглөө 10.30 цагт Чингэлтэй дүүргийн нутаг дэвсгэр Гэсэр сүмийн баруун талд байрлах “Макс Өргөө” компанийн “MAX Tower”-ийн барилгын дээрээс төмөр унаж хүний амь нас эрсэдсэн талаар бид мэдээлсэн.
Тус барилгын 20 давхраас унасан бэхэлгээний төмөрт 3139 УНР улсын дугаартай  “Ланд 200” маркийн автомашин өртөж жолооч газар дээрээ нас барсан бөгөөд одоогийн байдлаар осол гарсан хэсгийг тусгай хамгаалалтад авч замын хөдөлгөөнийг түр хаагаад байна. Эх сурвалжийн мэдээлж буйгаар осолдсон автомашин Эдийн Засгийн хөгжлийн яамных байсан ба амь эрсэдсэн жолооч тус яамны жолооч байсан аж.
Энэ талаар ЦЕГ-ын хэвлэл мэдээллийн хэлтсийн байцаагч, цагдаагийн ахмад Ё.Лхагвасүрэнгээс  тодруулахад  “Өнөөдөр  Чингэлтэй дүүргийн тавдугаар хорооны нутаг дэвсгэрт байрлах “МАХ Таур”-ийн барилга дээр туслан гүйцэтгэгч компанийн ажил гүйцэтгэж байсан “Magic classic” компанийн гадна пссатны өргөгчний цамхагийн бэхэлгээний төмөр замын хөдөлгөөнд оролцож явсан “Ланд 200” маркийн автомашин дээр унасан байна. Үүний улмаас нэг хэргийн амь нас хохирсон хэргийг Чингэлтэй дүүргийн цагдаагийн нэгдүгээр  хэлтэс дээр эрүүгийн хэрэг үүсгэн шалгаж байна. Одоогийн байдлаар тухайн автомашины ар гэрийнхэнээс мэдүүлэг авч байна. Тиймээс хэдэн насны, ямар хүн байсныг хэлэх боломжгүй” гэв.