МАХН-ын дарга Н.Энхбаяр өнгөрсөн наймдугаар сард шоронгоос суллагдсан даруйдаа биеээ эмчлүүлэхээр БНСУ–ыг зорьсон. Тэрээр очсон даруйдаа хоёр, түүнээс ч олон удаа хагалгаанд орсон тухай мэдээлэл гарч, намын нөхөд нь байн байн эргэж очиж байсан юм.

  Тэгвэл хамгийн сүүлийн мэдээллээр МАХН-ын дарга Н.Энхбаярын биеийн байдал харьцангуй сайжирсан бөгөөд тун удахгүй сар шинээс өмнө эх орондоо ирэхээр төлөвлөөд буй аж. УИХ-ын гишүүн О.Баасанхүү Н.Энхбаярын бие тэнхэрсэн тул улс төрд орохоор бэлтгэж байгаа тухай үг цухуйлгах болсон. Ямартаа ч МАХН-ын дарга сар шинээр даргатайгаа эх орондоо золгох бололтой.