Говьсүмбэр аймгийн хэмжээнд 2013 онд бүртгэгдсэн гэмт хэрэг өнгөрсөн онтой харьцуулахад бүртгэгдсэн хэргийн тооноос 6.4 гэмт хэрэгт холбогдсон этгээдүүдийн тоо 2.8 хувиар тус тус өссөн байна.

 Гэмт хэрэгт холбогдсон этгээдүүдийн 83.5 хувь нь тус аймгийн харъяат, 16.9 хувь нь өөр аймаг, нийслэл, сумын харъяалалтай, 0.4 хувь нь гадаадын /БНХАУ/ иргэн байжээ.

 2013 онд бүртгэгдсэн хэргүүдийн 79.6 хувь нь Сүмбэр, 10.4 хувь нь Шивээговь, 10.0 хувь нь Баянтал суманд тус тус үйлдэгджээ.

 Сүмбэр суманд бүртгэгдсэн гэмт хэргийн 28.7 хувь нь 1 дүгээр баг, 31.2 хувь нь 2 дугаар баг, 26.2 хувь нь 3 дугаар баг, 3.1 хувь нь 4 дүгээр баг, 6.2 хувь нь 5 дугаар баг, 4.3 хувь нь 6 дугаар багийн нутаг дэвсгэрт тус тус үйлдэгдсэн байна.

 Нийт бүртгэгдсэн хэргүүдийг 61.6 хувь нь хөнгөн, 32.3 хувь нь хүндэвтэр, 4.9 хувь нь хүнд, 0.9 хувь нь онц хүнд гэмт хэргүүд байх ба 2012 онтой харьцуулахад хөнгөн гэмт хэрэг 27.4, хүнд гэмт хэрэг 10.0 хувиар тус тус өссөн ба хүндэвтэр гэмт хэрэг 18.7 хувиар буурсан бол онц хүнд гэмт хэрэг өнгөрсөн оны байдалтай ижил түвшинд байна.

 Харин 2013 онд бусдын бие махбодид хүнд гэмтэл болгоомжгүй учруулах, булш сүйтгэх, гээгдэл буюу санамсаргүй олдсон эд хөрөнгийг завших гэмт хэргүүд тус бүр 1, бусдын эд хөрөнгийг завшиж үрэгдүүлсэн гэмт хэрэг 2 бүртгэгдсэн нь өнгөрсөн оныхтой ижил түвшинд гарчээ.

 2012 онд бусдын бие махбодид хүндэвтэр гэмтэл санаатай учруулах, бусдын эд хөрөнгийг дээрэмдэх, төрийн албан тушаалтан эрх мэдлээ хэтрүүлэх, битүүмжилсэн эд хөрөнгийг үрэгдүүлсэн  хэргүүд  бүртгэгдээгүй бол 2013 онд бусдын бие махбодид хүндэвтэр гэмтэл санаатай учруулах 3, бусдын эд хөрөнгийг дээрэмдэх, төрийн албан тушаалтан эрх мэдлээ хэтрүүлэх, битүүмжилсэн эд хөрөнгийг үрэгдүүлсэн гэмт хэргүүд тус бүр1 бүртгэгджээ.                             

 Бүртгэгдсэн гэмт хэргийн 31.3 хувь нь гудамж талбайд, 17.9 хувь нь айлын гэр, орон байранд, 4.5 хувь нь бэлчээрт, 46.2 хувь нь бусад газарт тус тус үйлдэгдсэн бол 88.0 хувь нь 06-23 цагийн хооронд, 12.0 хувь нь 23-06 цагийн хооронд тус тус үйлдэгдсэн байна.

 Гэмт хэрэгт холбогдогчдын 85.0 хувь нь эрэгтэй, 15.0 хувь нь эмэгтэй, 4.6 хувь нь насанд хүрээгүй, 67.1 хувь нь 18-35 хүртэл, 24.0 хувь нь 36-50 хүртэл, 4.3 хувь нь 51-ээс дээш насны хүмүүс байна.

 Эдгээрийн 17.0 хувь нь дээд, 5.6 хувь нь тусгай дунд, 41.7 хувь нь бүрэн дунд, 25.0 хувь нь бүрэн бус дунд, 10.7 хувь нь бага болон боловсролгүй 7.5 хувь нь оюутан сурагч, 31.4 хувь нь эрхэлсэн ажилтай, 2.8 хувь нь малчин, 55.8 хувь нь ажилгүй, 2.3 хувь нь ялтан байна.

 Эрхэлсэн ажилтай  этгээдийн 22.3 хувь нь төрийн албан хаагч байх бөгөөд тэдгээрийн 66.6 хувь эрэгтэй, 33.3 хувь эмэгтэй байгаагаас гадна төрийн албан хаагчийн ангилалын хувьд авч үзвэл 20.0 хувь нь төрийн тусгай, 26.6 хувь нь төрийн захиргааны, 53.3 хувь нь төрийн үйлчилгээний албан хаагчид гэмт хэрэгт холбогджээ.

 Гэмт хэрэгт холбогдсон төрийн албан хаагчдыг боловсролын байдлаар нь  авч үзэхэд 53.3 хувь нь дээд, 6.6 хувь нь тусгай дунд, 40.0 хувь нь бүрэн болон бүрэн бус дунд боловсролтой хүмүүс байх бөгөөд 46.6 хувь нь согтууруулах ундааны зүйл хэрэглэсэн үедээ гэмт хэрэг үйлдсэн байна.

 2013 онд үйлдэгдсэн гэмт хэрэгт холбогдогчдийн 7.5 хувь нь өмнө нь ял шийтгүүлж байсан, 35.6 хувь нь согтууруулах ундааны зүйл хэрэглэсэн үедээ гэмт хэрэг үйлдсэн бол 5.4 хувь нь бүлэглэж, 10.4 хувь нь гэмт хэрэг үйлдэхдээ тээврийн хэрэгсэл, машин механизм болон бусад зүйлийг зэвсэгийн чанартай зүйл ашигласан байна.

 Золгүй байдлаар амь насаа алдсан этгээдүүдийн 12 нь эрэгтэй, 3 нь эмэгтэй байна.

 Судалгааны дүнг аймгийн прокурорын дэргэдэх зөвлөлийн хурлаар хэлэлцүүлж, аймгийн засаг дарга болон иргэдийн төлөөлөгчдийн хурлын дарга нарт танилцуулга бичиж хүргүүлжээ.