Сүүлийн өдрүүдэд бөх сонирхогчдоос “Цагаан Жигмид” нэрийг аваад буй Ц.Содномдорж харцагын “Цагаан сарын” барилдаанд гаргасан болчимгүй үйлдлийг нь Үндэсний бөхийн холбоо авч хэлэлцэхээр болжээ. Ц.Содномдорж харцага залуу гарьд Б.Гончигдамбад өвдөг шороодсон хойноо гарыг нь хөшижгэмтээх дөхсөн юм. Үндэсний бөхийн дүрмэнд барилдааны тухай заалтууд гэж байдаг бөгөөд үүнийг зөрчсөн нь батлагдвал шийтгэл хүлээлгэх учиртай. Харцага саяхан улс, аймгийн цолтой бөхчүүдийн барилдаанд барьцаа буруу халж гурвын даваанаас хасагдаж байсан.
     Мөн энэ хурлаар сар шинийн барилдаанд түрүүлсэн Д.Рагчаа гарьдын асуудлыг ч гэсэн хэлэлцэх ажээ. Д.Рагчаа шөвгийн дөрөвт Б.Гончигдамба гарьдыг давахдаа хөлөн дээр нь гишгэж давсан учраас уг хурлаар орох гэнэ.