Энэ сарын 28-наас өчигдрийг хүртэл цагдаагийн байгууллагад  иргэд, аж ахуйн нэгж байгууллагаас гэмт хэрэг, зөрчлийн 4326 дуудлага, мэдээлэл шалгагдаж, гэмт хэргийн шинжтэй 121 үйлдлийг бүртгэн холбогдох нэгжүүд шалгаж, 92 хэргийн эзэн холбогдогчийг илрүүлжээ. Нийслэлд хүний амь насыг санаатайгаар хохироосон 1, бусдын биед гэмтэл учруулах 4, хулгайлах 30, дээрэмдэх 7, булаах 1, танхайрах 28, мөнгөн тэмдэгт хуурамчаар үйлдэх 2, зам тээврийн хэрэг 26, осол 35 гарч 30 хүн гэмтсэн байна.

Харин өчигдөр амиа хорлолтын хоёр ч тохиолдол гарсан байна. Түүнчлэн, мартын 8-ны баяр ойртож байгаатай холбоотой залилангийн хэргүүд гарч эхэлж байгааг Цагдаагийн байгууллагаас анхааруулж байна.