Орхон аймгийн Баян-Өндөр сум Урт булаг багт оршин суух П,М гэгч нь өнгөрснө оны 08-р сард Орхон аймгийн Баян-Өндөр сумын нутаг дэвсгэрээс мансууруулах, сэтгэцэд нөлөөлөх үйлчилгээ бүхий “Сэтгэцэд нөлөөлөх бодисуудын тухай” 1971 оны НҮБ-ын Конвенцийн жагсаалтад заагдсан “Тетрагидроканнабинолын” төрлийн ургамлыг  борлуулах зорилгогүйгээр хууль бусаар олж авч, хадгалан биедээ авч явсан үйлдэлд Орхон аймгийн Цагдаагийн газрын Мөрдөн байцаах тасгаас мөрдөн байцаалтын ажиллагаа явуулан, аймгийн Прокурорын газраас Монгол улсын Эрүүгийн хуулийн 192-р зүйлийн 192.1 дэх хэсэгт заасан “Мансууруулах болон сэтгэцэд нөлөөлөх эм, бэлдмэл бодисыг хууль бусаар бэлтгэх, олж авч, хадгалах,тээвэрлэх, илгээх, борлуулах”гэмт хэрэгт буруутай гэж дүгнэн яллах дүгнэлт үйлдэж Сум дундын 14-р шүүхэд шилжүүлсэн байна.

Сум дундын 14-р шүүх хэргийг 2014 оны 03-р сарын 03-ны өдөр хянан хэлэлцээд шүүгдэгч П, М-ыг Монгол улсын Эрүүгийн хуулийн 192-р зүйлийн 192.1 дэх хэсэгт заасан гэмт хэрэгт буруутайд тооцон, 1 жил 6 сарын хугацаагаар хорих ял оногдуулан, хорих ялыг тэнсэж 1 жилийн хугацаагаар хянан харгалзаж шийдвэрлэжээ.