Сэлэнгэ аймгийн хэмжээнд 2014 оны эхний нэгдүгээр улирлын байдлаар хэвлэл мэдээллийн хэрэгсэлээр мэдээлэгдсэн 4 гэмт хэргийн шинжтэй гомдол мэдээлэл бүртгэгдсэн байна.

Дээрх мэдээллээс Сэлэнгэ аймгийн Баянгол сумын нутаг дэвсгэрт үйл ажиллагаа явуулдаг "Бороо гоулд" ХХК-ны далангийн барилгын ажил хийгдэж байсан газарт өнгөрсөн онд Д.Мөнхбат нь 08-19 УБЭ "порд ренжер" маркийн тээврийн хэрэгсэл жолоодон явахдаа жалганд унаж нас барсан гэх хэргийг Мандал сум дах сум дундын 1-р прокурорын газраас хяналт тавьсан байна. Тэгвэл энэ хэргийг Эрүүгийн байцаан шийтгэх хуулийн 24 дүгээр зүйлийн 24.1.1, 208 дугаар зүйлийн 208.1.1 дэх хэсэгт заасан үндэслэлээр хэрэгсэхгүй болгож шийдвэрлэжээ.