АНУ-ын иргэн Жон Мартин Кийнийг хөнөөсөн хэрэгт буруутгагдан хоёр шатны шүүхээс 23 жилийн ял сонсоод буй 25 настай Ч.Баттуулын хэргийг Улсын дээд шүүх өнгөрсөн долоо хоногт хэлэлцэхээр товлоод байсан юм.

Гэвч Ч.Баттуулын өмгөөлөгч К.Бауржин гадаадад томилолтоор яваа учир хурлыг хойшлуулах хүсэлт гаргасныг шүүх бүрэлдэхүүн хүлээн авсан. Тиймээс шүүх хурал энэ сарын 7-ны өдөр хүртэл хойшлогдсон юм. Тэгэхээр Ч.Баттуулын хэргийг Дээд шүүхээс нөгөөдөр авч хэлэлцэнэ.