“Нетфликс”-ийн уран бүтээл “Марко Поло” уран сайхны кино монголчууд
бидэнтэй олон талаараа холбогдож байгаа билээ. Монголыг дэлхий дахинд
таниулахад хувь нэмрээ оруулсан гэгддэг энэ хүний түүх Хубилай хааны
үеийн Монголтой түүхийн жимээр нийлдэг юм. Тус кинонд Монгол залуус
тоглоод зогсохгүй Монгол хамтлаг хөгжмийг нь тоглохоор болжээ. Тиймээс
энэхүү олон ангит кино бидний сонирхолыг ихээхэн татаж байгаа юм. Ингээд
тив дэлхийгээр аялагч “Марко Поло”-гийн тухай өгүүлэх нэн сонирхолтой уран бүтээлийн талаарх зарим сонирхолтой баримтуудыг түүвэрлэн хүргэж байна.
1. ”Марко Поло” уран бүтээл нь нэлээдгүй өндөр өртөгтэй кино болсон. Уг киног бүтээхэд одоогийн байдлаар 70 сая ам.доллар зарцуулжээ.
2. Уг кинонд СТА Б.Амарсайхан тоглосон нь холливудын уран бүтээлд урилгаар тоглосон анхны Монгол жүжигчин боллоо. Тэрээр хааны дүү Аригбөхийн дүрд тоглосон.
3. “Марко Поло”-той холбоотой бас нэгэн сонирхолтой мэдээлэл нь Ерөнхий сайд асан Сү.Батболдын хүү Б.Баттүшиг уг кинонд дүрээ мөнхөлсөн явдал юм. Б.Баттүшиг нь Харвардыг бизенэсийн удирдлагийн чиглэлээр төгссөн.
4. АНУ-д оршин суудаг Монгол залуус уг киноны зарим хэсэгт дуу оруулсан байна.
5. Алдарт аялагч Марко Пологийн түүх Монголын эзэнт гүрний хаан Хувилайтай нарийн нягт холбоотой байдаг талаар түүхийн сударт бичсэн байдаг. Тэгвэл уг киноы Хубилай хааны дүрд Хонгконг гаралтай Хятад жүжигчин тоглосон байна.
6. Уг киноны хөгжмийг Алтан ураг хамтлаг тоглохоор болжээ. Тэд урд нь Орос найруулагч Сергей Бодровын Чингис хааны тухай хийсэн “Монгол” киноны “Хөх толботон” уран бүтээлийг амьлуулж байсан удаатай.
7. Марко Поло олон ангит кино нь нийт арван бүлгээс бүрддэг аж.
8. Холливудын кинонд эротик хэсгүүд нэлээдгүй орсон байдаг. Тэгвэл уг киноны эротик буюу секс хэсгүүд үзэгчдийн анхаарлыг ихээхэн татаж байна. Тийм хэсэг уг кинонд нэлээдгүй бий.
Сэтгэгдэл (1)