Шинэ долоо хоногийн ажлын эхний өдөр төрийн ордны баруун талд зөвхөн УИХ-ын гишүүдийн автомашиныг зогсоох шийдвэр гарч хэрэгжиж эхэлсэн нь төрийн ордонд ажиллагсадын дургүйцлийг маш ихээр төрүүлж, бухимдахад хүргэжээ. Эх сурвалжуудын мэдээллэж байгаагаар энэхүү санаачлагыг УИХ-ын эмэгтэй гишүүд санаачилж, ЗГХЭГ-ын дарга, Монгол Улсын сайд С.Баярцогтын тушаалаар хэрэгжүүлж эхэлсэн гэх мэдээлэл байна. Гэвч төрийн ордны баруун талыг эзэмшсэн эрхэм төрийн түшээд маань 11:00 цаг хүртэл ажилдаа ирэхгүй, талбай нь хоосон байхад харин зүүн талд машинууд багтахгүй чихэлдэж байгаа дүр зураг харагдаж байна.