Жишээлбэл: ямар ч шалтгаангүйгээр гуниж гутрах, байсхийгээд санаа алдах, догшин ширүүн ааш авиртай болох гэх мэт сэтгэл зүйн таагүй өөрчлөлтүүд илэрч эхэлдэг байна. Өөрөөр хэлбэл сексгүй амьдрал эмэгтэй хүний зан байдалд маш хүчтэй сөрөг нөлөө үзүүлдэг. Түүнчлэн энэ байдал нас насны эмэгтэйчүүдэд зан байдлын үл ялиг ялгаатайгаар илэрч болдог байна. Нас ахиж яваа эмэгтэйчүүд адайр ааштай, ширүүн зантай, ууртай, атаархуу, барьцамтгай болдог бол арай залуухан ганц бие, удирдах албан тушаал хашдаг бүсгүйчүүд хурц ааштай, ямар ч үед бууж өгдөггүй, бусдыг захирах дуртай байдаг. Хүн өлсөхөөрөө их идэж, биедээ дутагдаж байгаа амин дэм, хоол тэжээлээ нөхдөг шиг сексийн дутагдал стрессээр илэрч, иймэрхүү зан араншин гаргахад хүргэдэг байна.

Бүсгүй та ганц бие эсвэл нөхөртэйгээ сексийн харьцаанд ороогүй удаж байгаа бол дараах сөрөг нөлөө илрэх нь байна.

-Сексээс тэр бүр таашаал авч чадахаа больж, бага зэрэг асуудалтай тулгарч эхэлдэг.

-Бие организм хийгээд эрүүл мэндэд сөрөг нөлөө үүсч эмэгтэйчүүдийн янз бүрийн өвчнөөр өвчлөх магадлал өндөр болдог.

-Сексийн харьцаанд маш тайвнаар ханддаг болж, секс хийх дур хүсэл нь аажмаар багасч эхэлдэг.

-Өөрийгөө үнэлэх үнэлэмж, мэдрэмж үгүй болдог.

-Амархан стресст орж, улмаар хөгширөлтийн явц эрчимтэй явагддаг.

-Өөртөө анхаарал тавихаа больж, хэн нэгэнд таалагдах тухай бодол ч төрөхөө болино.

Иймд дээрх шинж тэмдэг илэрч байгаа бол даруйхан “арга хэмжээ” авах хэрэгтэй гэдгийг мэдэж авсан гэдэгт найдаж байна.