Хөх хотод аялан тоглолтоор явж байсан "Шинэ үе" продакшны жүжигчид осол орж, жүжигчин Т.Билгүүн таалал төгссөн нь олныг цочирдолд оруулаад байна. Мөн түүнтэй хамт машинд явж байсан хоёр жүжигчин болох Р.Алтансүх, А.Энхжин нарын биеийн байдал тааруу байгаа юм.

 Тэгвэл энэ талаар Хөх хотын консулын газрын эх сурвалжаас тодруулахад "Шилийн гол аймгийн Зүүн үзэмчингийн эмнэлэгт гурван хүн ирсэнээс нэг нь амиа алдсан. Хоёр нь эмнэлэгт эмчлүүлж байна. Нэгнийх нь яс хугарсан, нөгөөх нь хөнгөн бэртсэн. Одоогоор иргэдийн талаарх мэдээллийг өгөх боломжгүй" гэлээ.

 Харин ГХЯ-ын Консулын газрын дэд дарга Б.Болд "Хөх хот болон Эрээн дэх Консулын газарт албан ёсны хариу ирээгүй байна.. Гэхдээ Эрээн дэх Консулын газрын ажилтнууд Шилийн гол аймгийн Ардын Засгийн газрын гадаад харилцааны газраас энэ асуудлаар тодруулсан гэсэн.  Нэг иргэн амь насаа алдаж, хоёр иргэн гэмтсэн гэх хариуг өгсөн байна. Талийгаачийн ар гэрийнхэн нь эндээс явж таарна. Тэгэхээр Эрээнд байгаа Консулын газраас хүлээн авч, шаардлагатай бүхий л арга хэмжээг авч туслалцаа үзүүлнэ" гэв.

Мөн "Шинэ үе" продакшн хэдхэн хормын өмнө албан ёсоор доорх мэдэгдлийг гаргалаа.