“Шинэ үе” продакшны жүжигчин Т.Билгүүн Өвөрмонголд явж байгаад авто осолд орж, амиа алдлаа гэсэн мэдээ олон хүнийг уй гашууд автуулав. Дөнгөж 30 хүрч байсан авъяаслаг жүжигчин залуу харамсалтайгаар бурхны оронд одсон нь хүн бүхэнд нэгийг санагдуулж, амьддаа бие биеэ хайрла гэсэн үгийн үнэ цэнийг дахиад нэг санууллаа. Олон дуучин, жүжигчид сэтгэлийн зул өргөж байна.

“Номинталст” хамтлагийн дуучин Дэлгэрмөрөн “Нэг ч гэсэн Монгол хүний амь бидэнд ямар их үнэ цэнэтэй вэ ах дүүс минь. Газар дов нутаг усны ялгаа ярж тэнэгтэхээ больё, нэгийгээ хүндэлж хамгаалж явцгаая. “Шинэ үе”-ийн Билгүүнээ маань бидэнд дүрээ үлдээгээд, нэгнээ хайрлаж хамгаалахын ухаарлыг үлдээгээд буцлаа. Харамсаж байна, уйлж байна, ухаарч байна. Мэддэг нь мэгзмээ унш, чаддаг нь сэтгэлээсээ залбир. Хараал жатга хар, дом муу бүхнээс Монголоо хамгаалъя хамтдаа байцгаая. Биднээс өөр биднийг хэнч хайрлахгүй ээ. Ум сайн амгалан болтугай” гэж уриалжээ.