Монгол улсын засгийн газрын тайлангийн дагуу эдийн засаг нь 2011 онд уул уурхайн салбарт гарсан дэвшлийн ачаар нүд ирмэхийн зуурт 17.3 хувиар өссөн гэнэ. Эрх баригчдын дуулгаж байгаа энэ сайхан мэдээ бага орлоготой иргэдийн хувьд санаа зовоох үнийн хөөрөгдөлт болсон юм.
Монголын нийслэл Улаанбаатар хотын захад байрлах Нарантуул зах дээр гутал зардаг худалдаачин А.Батдорж монголд уул уурхайн хөгжил ирсэн гэдэгт эргэлзэж байгаагаа ярьж байна. Хэрэглэгчид нь өндөр үнээр гутал авах боломжгүй болсон тул тэрээр худалдаагаа үргэлжлүүлэхийн тулд барааныхаа үнийг бууруулах болжээ. “Миний үйлчлүүлэгчид дундаас бага түвшний орлогтой хүмүүс байдаг. Хүмүүс идэх хоолныхоо мөнгөнд санаа зовж байгаа учраас бид үнээ нэмэхийг эхэнд тавиагүй” гэж А.Батдорж ярив.
Монголын Төв банкны мэдээллэж буйгаар инфляци өнгөрсөн жилд 10 хувиар өссөн байна.

   Монгол улсын засгийн газрын тайлангийн дагуу эдийн засаг нь 2011 онд уул уурхайн салбарт гарсан дэвшлийн ачаар нүд ирмэхийн зуурт 17.3 хувиар өссөн гэнэ. Эрх баригчдын дуулгаж байгаа энэ сайхан мэдээ бага орлоготой иргэдийн хувьд санаа зовоох үнийн хөөрөгдөлт болсон юм.

Монголын нийслэл Улаанбаатар хотын захад байрлах Нарантуул зах дээр гутал зардаг худалдаачин А.Батдорж монголд уул уурхайн хөгжил ирсэн гэдэгт эргэлзэж байгаагаа ярьж байна. Хэрэглэгчид нь өндөр үнээр гутал авах боломжгүй болсон тул тэрээр худалдаагаа үргэлжлүүлэхийн тулд барааныхаа үнийг бууруулах болжээ. “Миний үйлчлүүлэгчид дундаас бага түвшний орлогтой хүмүүс байдаг. Хүмүүс идэх хоолныхоо мөнгөнд санаа зовж байгаа учраас бид үнээ нэмэхийг эхэнд тавиагүй” гэж А.Батдорж ярив
 
Монголын Төв банкны мэдээллэж буйгаар инфляци өнгөрсөн жилд 10 хувиар өссөн байна.
Иргэдийн зовлонг түр намжаахын тулд Монголын засгийн газар нэгэн башир арга сэдсэн юм. Энэ нь эх орны хувийг иргэн бүрт тараах явдал. 2008 оны парламентын сонгуулийн амлалт болох тэтгэлгийг хамтарсан засгийн газрын гишүүд иргэн бүрт сар бүр 21000 төгрөгөөр /ойролцоогоор 16 доллар/ олгохоор болов. Тэтгэлэгийн зарим нь эрүүл мэндийн даатгал, оюутнуудын сургалтын төлбөр зэрэгт шилжүүлэгдэж байгаа юм. Энэ бүх мөнгийг Хүний хөгжил сангаас гаргаж байгаа аж. 2011 оны Хүний хөгжил сангийн төсөв нь нийтдээ 805 тэр бум төгрөг /ойролцоогоор 600 сая доллар/ бөгөөд улсын зардлын 40 хувьтай тэнцэх юм.

МУИС-ийн Эдийн судалгааны хүрээлэнгийн судлаач Батдэлгэрийн Түвшинтөгс “Засгийн газрын шийдвэрт дүн шинжилгээ хийж үзвэл иргэдийн гар дээр очиж буй бэлэн мөнгө нь үнийн хөөрөгдөлтийг улам нэмэгдүүлэх юм. ..Бид үүнийг үнийн хөөрөгдөлтөд “хөрөнгө оруулж буй” хэрэг гэж дүгнэж болно” гэж ярив.
Үнийн хөөрөгдөлтөөс гадна Монгол улсын ядуурлын түвшин 2008 онд 35 хувь байсан бол 2011 онд нэмэгдэж 40 хувь болсон байна. “Энэ үзүүлэлт бол эх орны хишиг монголын эдийн засагт сайнаар нөлөөлөөгүйн гол илрэл” гэж Түвшинтөгс хэлэв.

Импортлогчид шатахууны үнийг 17 хувиар нэмсэний дараа нэгдүгээр сарын 20-ны өдөр 600 гаруй хүн гудамжинд жагсаж эсэргүүцэл илэрхийлэв.
Зарим ажиглагчид инфляциас болж бага орлоготой иргэдийн дунд тайван бус байдал нэмэгдэж байна гэж үзжээ. Учир нь 12 дугаар сард багш нар цалингаа нэмэгдүүлэхийг хүсч орон даяар ажил хаялт хийсэн юм. Үүний хариуд засгийн газар багш нараас гадна төрийн албан хаагчдийн цалинг 53 хувиар нэмэгдүүлнэ гэж амласан юм.
 Олон улсын вальютийн сангийн тайлангаар монгол улсын мөнгөн зардал 2011 онд 50 хувиар өссөн байна. Энэ байдал нь 2012 онд инфляци 15.5 хувь болтлоо өсч магадгүйг харуулж байна гэж Олон улсын вальютийн сангийнхан анхааруулж байна.

“Эдийн засгийн бодлого, өрсөлдөөний  судалгааны төв”-ийн захирал Чулуунцэрэнгийн Отгончулуу “Төрийн албан хаагчийн цалинг хавтгайруулж нэмэх нь мөн л үнийн хөөрөгдөлтийг дагуулах бөгөөд дундаж орлоготой иргэдэд хохирол учруулна” гэв. “Монголд иргэдэд илүү их мөнгө амлаж асуудлаа шийдвэрлэх үзэгдэл сонгуульд нэр дэвшигчдийн зэвсэг болсон” гэж тэрээр ярив.

Гутлын худалдаачин Батдорж “Засгийн газар ажлын байрыг нэмэгдүүлэх гэх мэт удаан хугацааны зорилтдоо анхаарлаа хандуулах хэрэгтэй. Хүмүүст мөнгө тараасны оронд тэр мөнгөө үйлдвэр барих, бизнес эхлэгчдийг дэмжих зэрэгт зориулсан бол илүү үр дүнтэй ажил болно. Бидэнд ажлын байр хэрэгтэй. Гэвч би мэдээж сар бүр авсан мөнгөө буцааж өгөхгүй. Хэрвээ би сар бүрийн 21000 төгрөгөө цуглуулж “юм” болгохгүй бол ямар нэгэн замаар улс төрчдийн халаасанд орох болно” гэж ярив.

Хэдий тийм ч улс төрчид 2011 оны 12 дугаар сард баталсан сонгуулийн шинэ хуулиндаа сонгуулийн сурталчилгааны ажилд мөнгө амлахыг хориглосон юм.

“Засгийн газар нийгмийн халамжийн системийг сайжруулах ёстой. Жишээлбэл эрүүл мэнд, нийгмийн хангамжийн сайн бодлого дутагдаж байна. Иргэн бүрт бэлнээр мөнгө олгох нь дэд бүтцийг хөгжүүлэхээс хавьгүй амархан арга гэдэг нь ойлгомжтой” гэж Батдэлгэр ярив.