Нийслэлийн Захиргааны хэргийн шүүхэд “Шүүх эрх мэдлийн хүрээнд шинэтгэлийг гүнзгийрүүлэх хөтөлбөрийг шүүхэд хэрэгжүүлэх ажлыг эрчимжүүлэх үндсэн чиглэл” болон шүүн таслах ажиллагаанд анхаарах зарим асуудлаар зохион байгуулагдах бүсчилсэн уулзалт- ярилцлагыг зохион байгууллаа.
Уулзалт ярилцлагыг ажлын хэсгийн бүрэлдэхүүний ахлагч, Улсын Дээд шүүхийн шүүгч Ч.Тунгалаг нээж үг хэлж, Улсын Дээд шүүхээс баримтлаж буй бодлого, чиглэл болон 2012 оны төлөвлөгөө, Шүүх эрх мэдлийн хүрээнд шинэтгэлийг гүнзгийрүүлэх хөтөлбөрийг шүүхэд хэрэгжүүлэх ажлыг эрчимжүүлэх үндсэн чиглэл”-ийн асуудлаар дэлгэрэнгүй ярьж танилцуулав.
Мөн ажлын хэсгийн гишүүн, Шүүхийн сахилгын хорооны ажлын албаны хянан шалгагч Л.Нямсүрэн Шүүхийн Ерөнхий зөвлөлөөс баримтлаж буй бодлого, чиглэлийн талаар танилцуулаа.
Уулзалтын төгсгөлд тус шүүхийн шүүгч, ажилтнуудаас гаргасан ажил хэрэгч саналуудыг ажлын хэсгийн ахлагч Ч.Тунгалаг хүлээн авч, нэгдсэн баримт бичигт тусгуулах болно гэв.
Б.Чимэг
