2008 оны долдугаар сарын нэгний хэргийн шүүх хурал тухайн үед Нийслэлийн цагдаагийн газрын Нийгмийн хэв журмын  хэлтсийн даргаар ажиллаж байсан цагдаагийн дэд хурандаа Г.Ганбаатаргүйгээр үргэлжлэхээр боллоо. Учир нь  түүний өмгөөлөгч Оросоо Солонгост байгаа гэсэн ч нотлох баримт байхгүй тул торгууль тавихаар болжээ. Г.Ганбаатар шинэ өмгөөлөгч авъя гэсэн ч шүүгчид хурал эхэлсэн тул амжихгүй гэсэн шалтгаанаар шүүх хурлын танхимаас гаргаж, дараа нь тусад нь шүүхээр болсон байна. Тиймээс үлдсэн гурван шүүгдэгч болох хуралд ЦЕГ-ын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын дарга асан, хурандаа О.Зоригт, Хэв журмын хэлтсийн дарга асан, хурандаа Ш.Батсүх нарыг үргэлжлүүлэн шалгахаар болжээ. Одоогийн байдлаар энэ хуралд дуудагдсан тухайн үед төрийн өндөр албан тушаалд ажиллаж байсан гэрчүүдийн нэг нь ирээгүй байна. Долдугаар сарын нэгний хэрэгт холбогдсон цагдаагийн ар гэрийнхэн болон хохирогчдын ар гэрийнхний хооронд ширүүн маргаан болж байгаа тул цагдаа нар өндөржүүлсэн хамгаалалт гаргасан байна.