Нэгдүгээр сарын эхээр шатахууны үнийг 300 төгрөгөөр нэмж, иргэдийн бухимдлыг нилээдгүй хүргээд авсан. Түүнээс хойш бага багаар бууруулсаар бинзений үнийг нь бараг хуучин хэвэнд нь аваачаад буй. Гэтэл шатахуун импортлогч компаниудтай бараг зэрэгцээд үнээ нэмсэн таксины үнэ 700 төгрөг хэвээр байх юм. Энэ нь машин хөлөглөдөг хэдэн нөхдөд баярлахаар зүйл болж байгаа ч иргэд бидний амьдралд нөлөөлөөд байгаа зүйл алга.Нэгдүгээр сарын эхээр шатахууны үнийг 300 төгрөгөөр нэмж, иргэдийн бухимдлыг нилээдгүй хүргээд авсан. Түүнээс хойш бага багаар бууруулсаар бинзений үнийг нь бараг хуучин хэвэнд нь аваачаад буй. Гэтэл шатахуун импортлогч компаниудтай бараг зэрэгцээд үнээ нэмсэн таксины үнэ 700 төгрөг хэвээр байх юм. Энэ нь машин хөлөглөдөг хэдэн нөхдөд баярлахаар зүйл болж байгаа ч иргэд бидний амьдралд нөлөөлөөд байгаа зүйл алга.
Монголчуудын ходоод, түрийвч хоёрт халгаатай нэгэн импортын бүтээгдэхүүн нь шатахуун болоод удаж байгаа. Дураараа аашилсан хувийн хэвшлийнхнийг “хашрааж” төр өөрөө импортын эрхээ гартаа атгасан. Тэгсэн ч энэ ажил зарим талаараа ихэд орхигдож байгааг хүмүүс шүүмжилж байна. Төрөөс санал болгож буй хоёрхон аргаар л шатахууны үнийг барьж болно, гэхдээ аль ч тохиолдолд хувийн компанид ашигтай. НӨАТ-ыг бууруулсан ч, бууруулаагүй ч шатахуун импортлогч компанид ашигтай. Харин дотооддоо шатахууны үйлдвэр барих гэсэн хоёрдахь сонголт нь үр дүн, бодит нөхцөлтэйгөө илүү нийцэх юм.
Гэвч төрийн өндөрлөг, ЭБЭХ-ний яам ажлаа хийхгүй байгаа аж. Дорнод аймагт газрын тосны үйлдвэр байгуулах бүх нөхцөл, ТЭЗҮ, шаардлага, судалгааг хийсэн “Хэт” Компани яамнаас зөвшөөрөл олгохгүй байгаа гэнэ. Тиймээс бараг хоёр жилийн ажлаа зогсоож, хугацаа алдсан байна. Хэрэв зөвшөөрөл олгогдвол 2.5 жилийн дотор үйлдвэрээ барьж ашиглалтад оруулах бөгөөд шатахууны асуудалд ихээхэн нэмэр болох юм. Тухайлбал, үнэ бууруулах, шатахуун хангамж нэмэгдэх, стандарт сайжрах, нөөцтэй болох гэх мэт. Уг үйлдвэр жилдээ 120 мянган тонн газрын тос боловсруулах чадалтай хэмээн ахлах мэргэжилтэн Б.Насантогтох хэлж байна. А92-А95 маркын бензин, дизель түлш, мазут зэрэг шатахуун гаргах аж. Мөн түүний батлан хэлж байгаагаар импортын шатахууны үнийг 10 хувь бууруулна гэсэн бөгөөд шатахууны үнийг гурван оронтой тоонд барина гэлээ. Уг үйлдвэрийг байгуулахаар Дорнодын Тамсагт байрлах “Петро чайна Дачин Тамсаг” компанитай газрын тос олборлон, бүтээгдэхүүн хуваах гэрээ байгуулжээ. Харамсалтай нь өнгөрсөн жилийн хоёрдугаар сараас хойш үйлдвэр барихыг зөвшөөрсөн шийдвэр гарсан ч өнөөдрийг хүртэл зөвшөөрлийг нь баталж өгөөгүй байсаар байгаа аж.
