“Монголын Оюун Ухааны Академи”-аас санаачлан жил бүр зохион байгуулдаг ой тогтоолтын үндэсний аварга шалгаруулах тэмцээн өнөөдөр эхэллээ. Чингис Хаан зочид буудалд эхэлсэн уг тэмцээний эцсийн шалгаруулалтад оюуны спортын 50 тамирчин хоёртын тоолол, нэр, зүс царай, баганан үгс, түүхэн үйл явдал, дуут цифр, тооны марафон, хүн хуанли, хөзрийн дараалал зэрэг ой тогтоолтын нийт найман төрлөөр өрсөлдөнө. Энэ удаагийн тэмцээн 3 сая төгрөгийн шагналын сантай юм байна.