Үндсэн хуулийн цэц өнөөдөр УИХ-ын сонгуулийн тухай хуулийн зарим зүйл заалтыг Үндсэн хууль зөрчсөн эсэхийг хэлэлцэж байна. Хурал одоогоор завсарлаад байгаа ч ирэх сонгуулийг шинээр батлагдсан хуулийн дагуу явуулахаар болж байгаа бололтой. Харин 26 тойрогт 48 мандатын төлөө нэр дэвшигчдээс тус тусын тойрогтоо ялагдал хүлээсэн ч 28 ба түүнээс дээш хувийн санал авсан нэр дэвшигчийг “гулсаж” УИХ-ын гишүүнээр сонгогдсонд тооцож болно гэж заасныг хүчингүй болгох магадлалтай болоод байна. “Унасан бөх”-ийг УИХ-д сонгож болохгүй гэж батлагдсан цагаасаа хойш шүүмжлэгдэх болсон энэ заалтыг хасч, 24:48 гэсэн мажоритар давамгайлсан тогтолцоогоор явуулах хандлагатай болоод байгаа юм.