УИХ-ын гишүүн Х.Тэмүүжин, Сангийн дэд сайд Ч.Ганхуяг нар өчигдөр твиттерээр долдугаар сарын 1-ний хэргийн талаар санал бодлоо солилцож маргаан үүсгэв. Х.Тэмүүжин гишүүний хувьд "Энэ хэрэгт холбогдсон цагдаагийн хурандаа нарт хариуцлага хүлээлгэх ёстой" гэсэн байр сууриа дахин илэрхийлсэн юм. Харин  сангийн дэд Ч.Ганхуяг "Жагсаал цуглаан зохион байгуулсан хүмүүсийг ч шалгах " гэх зэргээр үзэл бодлоо илэрхийлсэн юм. Х.Тэмүүжин гэсэн сангийн дэд сайдын хэлсэн үгэнд ихэд бухимдсан бололтой "Авлига нэхэх, муухай аашлах, хүн буудах нь хуулиар хориотой. Ийм үйлдэлд хариуцлага тооцох гэхээр нам хамгаалдаг нь гайхмаар. Өөрсдийнхөө түүхийг нэр төртэй бүтээж чадахгүй байж өмнөх үеэрээ нүүрээ талхлах гэдэг хүмүүс хэцүү шүү. МАХН гэсэн нэрээ сольж МАН болгосон ч "Хүнийг ал, ал" гэдэг зан нь өөрчлөгдөөгүй" гэжээ.