Авлигатай тэмцэх газрын даргын баталсан журмын дагуу тус газар сар бүрийн 25-ны өдөр иргэд, олон нийтэд зориулан үйл ажиллагааны мэдээллээ тогтмол хүргэж байхаар болсон билээ.

Энэ удаагийн хэвлэлийн бага хуралд Авлигатай тэмцэх газрын Тамгын хэлтсийн дарга, эрхэлсэн комиссар З.Баасанням, Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү, Хэвлэл, олон нийттэй харилцах ажилтан, комиссар Т.Мөнхтунгалаг нар оролцож, 2017 оны 12 дугаар сард хийж гүйцэтгэсэн ажил, авлигын эсрэг хууль тогтоомжийг хэрэгжүүлэх чиглэлээр авч хэрэгжүүлсэн арга хэмжээ, үйл ажиллагааны талаар сэтгүүлчдэд мэдээллээ.

2017 оны 12 дугаар сарын 25-ны өдрийн хэвлэлийн бага хуралд хийсэн мэдээллийг товчоор танилцуулъя.

Зөвлөмж өгөв. Авлигын эсрэг хууль тогтоомжийн хэрэгжилтийг хангах, нийтээр дагаж мөрдөж буй хууль тогтоомжийг сахин биелүүлэх, төрийн үйлчилгээг сайжруулах, зөрчил, дутагдлыг арилгах, цаашид дахин гаргуулахгүй байх зорилгоор Монгол Улсын Ерөнхий сайд У.Хүрэлсүхэд Зөвлөмж гардуулав. Мөн Хууль зүй, дотоод хэргийн сайд, Сангийн сайд, Боловсрол, соёл, шинжлэх ухаан, спортын сайд, Уул уурхай, хүнд үйлдвэрийн сайд, Хүнс, хөдөө аж ахуй, хөнгөн үйлдвэрийн сайд, Байгаль, орчин, аялал жуулчлалын сайд, Эрүүл мэндийн сайд, Хөдөлмөр, нийгмийн хамгааллын сайд, Эрчим хүчний сайд, Зам тээврийн сайд, Барилга, хот байгуулалтын сайд нарт тус тус Зөвлөмж гардуулан өгсөн байна.
Олон нийтийн дэд зөвлөл ажиллаж эхлэв. Авлигаас урьдчилан сэргийлэх, соён гэгээрүүлэх үйл ажиллагаанд иргэд, олон нийтийг татан оролцуулах, тэдний идэвх санаачилгыг өрнүүлэх, хөхиүлэн дэмжих, төрийн бүх шатны байгууллагын үйл ажиллагаа, албан тушаалтны ёс зүйд хяналт тавих зорилготой Олон нийтийн дэд зөвлөл улсын хэмжээнд ажиллаж эхэллээ. Одоогийн байдлаар төрийн 99 байгууллагад 168 иргэн хяналт тавьж ажиллаж байна. Авлигатай тэмцэх газар “Олон нийтийн хяналт ба хамтын ажиллагаа” сэдвийн дор аймаг, нийслэл, дүүрэг, яам, агентлагийн болон тэдгээрийн албан тушаалтны үйл ажиллагаанд хяналт тавьж ажиллах иргэдэд сургалт хийв.
“Олон нийтийн төв” нээгдлээ. Авлигатай тэмцэх үндэсний хөтөлбөрийг хэрэгжүүлэх чиглэлээр төрийн байгууллага, албан тушаалтны үйл ажиллагаанд иргэд, олон нийтийн хяналтын тогтолцоог бүрдүүлэх, сургалт зохион байгуулах, соён гэгээрүүлэх үйл ажиллагаа явуулах зорилгоор “Олон нийтийн төв” байгуулсан. Авлигатай тэмцэх газрын “Олон нийтийн төв” нь иргэд, олон нийт, төрийн болон төрийн бус байгууллага, хувийн хэвшлийн төлөөлөлд зориулан эрх зүйн туслалцаа, зөвлөгөө, мэдээллийг чөлөөтэй, нээлттэй өгөх бөгөөд албан тушаалтны ашиг сонирхлын зөрчил, авлигын гэмт хэргийн талаарх гомдол, мэдээллийг иргэд, аж ахуйн нэгж, байгууллагаас хүлээн авна.
Хүүхэд, залуучууд авлигын эсрэг нэгдэв. Авлигаас урьдчилан сэргийлэх, соён гэгээрүүлэх чиглэлээр Монголын Залуучуудын холбоо, Монголын Оюутны холбоо, Монголын Сурагчдын холбоотой хамтран ажиллаж эхэллээ. “Авлигатай тэмцэхэд залуу үеийн үүрэг оролцоо” сэдэвт уулзалт, хэлэлцүүлгийг зохион байгуулсан. Монголын залуу үеийн төлөөлөл төрийн байгууллагын үйл ажиллагаанд хяналт тавихад залуу үеийг татан оролцуулах, тэдгээрийн идэвх санаачилгыг дэмжиж хамтран ажиллах хүсэл зоригоо илэрхийлэв.
Оффшор бүсийн жагсаалт шинэчлэгдэв. Монгол Улсын Засгийн газрын 2017 оны 12 дугаар сарын 6-ны өдрийн 326 дугаар тогтоолоор оффшор бүсэд хамаарах гадаад улс, түүний нутаг дэвсгэрийн жагсаалтыг шинэчлэн баталсан бөгөөд Арабын нэгдсэн Эмират, Ботсвана, Бруней, Бүгд Найрамдах Мальта, Ирланд, Куракао, Люксембург, Макао, Малайз, Монако, Монтсеррат, Самоагийн Тусгаар улс, Сингапур, Хонконг, Швейцар зэрэг улс нэмэгдэж орсон байна. Хуулийн хэрэгжилтийг ханган ажиллах чиглэлээр төрийн болон нутгийн захиргааны байгуулагуудад холбогдох зөвлөмж, чиглэлийг Авлигатай тэмцэх газраас хүргүүлсэн.
Төрийн албаны шилжилт, хөдөлгөөний мэдээлэл. Нийтийн албанд томилогдохоор нэр дэвшсэн 766 этгээдийн хувийн ашиг сонирхлын урьдчилсан мэдүүлгийг хүлээн авснаас 627 мэдүүлгийг нь хянан шийдвэрлэсэн.
Өргөдөл, гомдлын хяналт шалгалт. Иргэн, аж ахуйн нэгж, байгууллагаас ирүүлсэн албан тушаалтны авлига, ашиг сонирхлын зөрчлийг шалгуулахаар хандсан нийт 58 өргөдөл, гомдлыг хянан шийдвэрлэсэн, одоо ажиллагаанд 66 гомдол, мэдээллийг хянан шалгаж байна.
Төлөвлөгөөт хяналт шалгалт. Хувийн ашиг сонирхлын болон хөрөнгө, орлогын мэдүүлгийн төлөвлөгөөт хяналт шалгалтаар Хууль зүй, дотоод хэргийн яам, Барилга, хот байгуулалтын яам, Сангийн яам, Татварын ерөнхий газар, Нийслэлийн Засаг даргын Тамгын газрын харъяа зарим агентлагийн холбогдох албан тушаалтнуудын хөрөнгө, орлогын мэдүүлгийг хянан шалгаж байна. Хөрөнгө, орлогын мэдүүлгээ зөрчилтэй мэдүүлсэн Уул уурхай, хүнд үйлдвэрийн яам, Эрүүл мэнд, нийгмийн даатгалын ерөнхий газрын 9 албан тушаалтан, мэдүүлгээ томилогдсон өдрөөс хойш 30 хоногийн дотор гаргаагүй, хугацаа хожимдуулж мэдүүлсэн Увс аймгийн Өлгий, Түргэн, Тэс, Хяргас сумын удирдах албан тушаалтнууд, Баян-Өлгий аймгийн Мэргэжлийн хяналтын газрын 9 буюу нийт 18 албан тушаалтанд Авлигын эсрэг хуулийн 13 дугаар зүйлийн 13.8-д заасны дагуу “сануулах, “албан тушаалын цалингийн хэмжээг бууруулах” сахилгын шийтгэлийг ногдуулсан байна.
Мөрдөн шалгах хэлтэс нь 2017 онд иргэд, байгууллага, албан тушаалтнаас тус газарт ирүүлсэн нийт 1288 гомдлын 640 өргөдөл, гомдол буюу 49.7 хувийг хүлээн авч Эрүүгийн хэргийг хянан шийдвэрлэх тухай хуулийн дагуу шалгаж шийдвэрлэсэн.
Хуульд заасан харьяаллын 1286 үйлдэлтэй, 639 холбогдогчтой 412 эрүүгийн хэрэгт мөрдөн шалгах ажиллагаа явуулсан байна. Авлигатай тэмцэх газрын Мөрдөгч нарын ажлын ачааллыг дунджаар авч үзвэл жилд 1 мөрдөгч 24.6 гомдол, мэдээлэл, 15.9 эрүүгийн хэрэгт мөрдөн шалгах ажиллагаа явуулсан байна.
Эрүүгийн хэрэгт холбогдон 639 хүн шалгагдсан. Энэ нь өмнөх оны мөн үетэй харьцуулахад 39.2 хувиар өссөн үзүүлэлт юм.2017 онд авлига, албан тушаалын гэмт хэргийн улмаас 69.546.211.566 төгрөгийн хохирол учирсан. Мөрдөн шалгах ажиллагааны явцад 3,412,008,181 төгрөгийг нөхөн төлүүлсэн. Үл хөдлөх, хөдлөх байр орон сууц, автомашин, тоног төхөөрөмж зэрэг 11 төрлийн 29,338,941,434 төгрөгөөр үнэлэгдэх эд хөрөнгө болон бэлэн мөнгийг битүүмжлэн хамгаалсан. Өмнөх онтой харьцуулбал гэмт хэргийн улмаас учирсан хохирол нь 84 хувиар өссөн үзүүлэлттэй байна. Хохирол нөхөн төлүүлсэн байдал нь 21 хувиар өссөн, эд хөрөнгө битүүмжлэх ажиллагаа 175 хувиар өссөн байна. 2017 онд шүүхээр шийдвэрлэгдсэн эрүүгийн 46 хэрэгт 7 тэрбум 789 сая 113 мянга 800 төгрөгөөр үнэлэгдэх эд хөрөнгө, мөнгийг улсын орлого болгох шийдвэр гарсан.

МХЕГ-ын томоохон албан тушаалтнуудыг авлига авсан байж болзошгүй гэх үндэслэлээр цагпан хорьж шалгаж байгаа билээ.

Замын хөдөлгөөний ачааллыг бууруулах зорилгоор Шинэ жилийн баярын өдрийг хүртэлх хугацаанд автомашины улсын дугаарын сүүлийн оронг тэгш, сондгойгоор нь хязгаарлан замын хөдөлгөөнд оролцуулах тухай санал асуулгыг Замын цагдаагийн албанаас гаргажээ.

Монгол Улсын барилга, хот байгуулалтын салбарын нийт ажилтан, ажиллагсад Та бүхэндээ Засгийн газрын нэрийн өмнөөс болон хувиасаа Шинэ жилийн баярын мэнд дэвшүүлж, аз жаргал сайн сайхныг хүсэн ерөөе. Манай Засгийн газар ард иргэд Та бүхэнтэйгээ хамт амжилт ололт, дурсамж, сургамж дүүрэн нэгэн оноо үдэж, шинэ оноо угтах гэж байна.
Улиран одож буй 2017 он ирээдүйн их хөгжлийн эх суурийг тавьсан олон чухал үйл явдлаар баялаг байлаа. Ипотекийн зээлийг хэрэгжүүлж эхэлснээр нийтдээ 4.1 их наяд төгрөгийн зээлээр 92 мянган хүн орон сууцтай болж, манай иргэдийн амьдрал ахуйн нөхцөл сайжирсан сайн мэдээтэй байна. Ирж байгаа 2018 оны хувьд Барилга, хот байгуулалтын эрх зүйн орчныг сайжруулах, гэр хорооллын дахин төлөвлөлтийг бодит ажил хэрэг болгох, гэр хороололд бичил төвүүд байгуулах замаар инженерийн шугам сүлжээ, дэд бүтцийг бүрдүүлэх, хотын шинэ цэвэрлэх байгууламж барих асуудлыг шийдвэрлэхэд онцгойлон анхаарч гол бодлогоо болгож ажиллаж байна.

Он солигдож байгаа мөчид бидэнтэй хамтран ажилладаг их барилгын салбарын үе үеийн ахмадууд, өнөөдөр ажиллаж буй нийт ажилтан, мэргэжилтэй ажилчид, төрийн болон төрийн бус байгууллага, аж ахуйн нэгжүүд, ард иргэдэд шинэ жилийн баярын мэнд дэвшүүлж, энэ зуунд дуурсагдах их бүтээн байгуулалтыг өрнүүлэхийн төлөө хамтдаа зүтгэхийг хүсье.
Та бүхэн минь шинэ ондоо, шинэ шинэ амжилт ололтоор дүүрэн, аз хиймориор өөдрөг байх болтугай.

Монгол Улсын Их Хурлын гишүүн,
Монгол Улсын Засгийн газрын гишүүн,
Барилга, хот байгуулалтын Сайд Х.БАДЕЛХАН

Нийслэлийн архивын газраас энэ онд хийж хэрэгжүүлсэн гол ажлууд болон 2018 оны ажлын төлөвлөгөөгөө танилцуулав.

Нийслэлийн архивын газар 2018 оныг “Архив, албан хэрэг хөтлөлтийн үйл ажиллагаанд төрийн байгууллага, албан тушаалтны үүрэг хариуцлагыг нэмэгдүүлэх жил” болгон зарлахаар төлөвлөсөн байна. Энэ хүрээнд архивын баримт бичгүүдийг цахимжуулах ажлыг үргэлжлүүлэх, дүүргүүдэд архивын тасаг ажиллуулах, байгууллагуудын архив, албан хэрэг хөтлөлтийн үйл ажиллагаанд хяналт тавих, эрсдлийн үнэлгээг нэвтрүүлэх, нөхөн бүрдүүлэлтийн чанарыг дээшлүүлэх, арга ажиллагааг боловсронгуй болгох ажлыг зохион байгуулах аж. Мөн архивын үйл ажиллагаанд өндөр хөгжилтэй орнуудын шилдэг технологийг нэвтрүүлэх чиглэлээр гадаад харилцаагаа өргөжүүлэхээр төлөвлөжээ.

Тус байгууллага энэ онд иргэдийн ажилласан жил тогтоохтой холбогдох бичиг баримтуудын 98 хувийг цахимжуулж, Нийслэлийн Үйлчилгээний нэгдсэн төвийн дөрвөн салбар болон www.lavlagaa.ub.gov.mn цахим хуудсаар дамжуулан 9742 иргэнд 21 нэр төрлийн үйлчилгээ үзүүлсэн байна. Мөн иргэд архивын лавлагааныхаа хариуг нийслэлийн Үйлчилгээний нэгдсэн төв болон өөрт ойр байрлах архивын аль ч салбараас авах боломжийг бүрдүүлжээ. https://edoc.ub.gov.mn цахим хуудсанд нийслэлийн 1018 байгууллагыг бүртгэж, өдөр тутмын баримт бичиг боловсруулах, хянах, шилжүүлэх, батлах, илгээх, хадгалах, архивлах үйл ажиллагааны шуурхай байдлыг хангасан байна. Мөн төрийн байгууллагуудын архив, бичиг хэргийн 14 мянга гаруй албан хаагчийг сургалтад хамруулж, мэдлэг, ур чадварыг дээшлүүлэв гэж нийслэлийн Архивын газраас мэдээллээ.

Монголбанк 2017 онд 19.8 тонн буюу ойролцоогоор 20 тонн алт худалдан авахаар урьдчилсан тооцоо гарч байна. Энэ нь 2016 онд 18.3 тонн алт худалдан авснаас 1.5 тонн илүү буюу 8 хувиар өссөн үр дүн юм.

Монголбанк энэ оны эхнээс 2017 оны 12 дугаар сарын 21-ний өдрийг хүртэлх хугацаанд 117 аж ахуйн нэгжээс 7.2 тонн буюу 37%, 216 иргэнээс 12.4 тонн буюу 63%, нийт 19.6 тонн алт худалдан авлаа. Үүнээс 2017 онд 19.4 тонн алтыг цэвэршүүлж, 692.1 сая ам.доллараар гадаад валютын нөөцийг нэмэгдүүлэв.

Монгол Улсын Гадаад Валютын Улсын Нөөцийг нэн даруй нэмэгдүүлэх зайлшгүй шаардлагын үүднээс Монголбанк дотоодын зах зээлээс худалдан авах үнийг 2016.12.14-2017.12.31-ний өдрийн хооронд Лондонгийн Үнэт Металлын Зах дээр хамгийн сүүлд тогтоосон үнээр тогтоон мөрдөж ажиллав. Түүнчлэн “Монгол Алт” аяны хүрээнд Монголбанкнаас шат дараатай олон ажлыг зохион байгуулсны үр дүнд алтны худалдан авалт нэмэгдсэн болно.

Мөн Монголбанкны Ерөнхийлөгчийн 2017.12.04-ний өдрийн А-302 дугаар тушаалаар 2018.01.01-ний өдрөөс Монголбанк алт худалдан авах үнийг Лондонгийн Үнэт Металлын Зах дээр хамгийн сүүлд тогтоосон үнээс 2 ам.долларыг хасч тогтоохоор болсон гэдгийг иргэд, аж ахуйн нэгжүүдийн сонорт хүргэж байна.

Хичээл сурлагадаа амжилт гаргасан 800 гаруй хүүхдийг оролцуулан зохион байгуулдаг “Hero&Cool” харшийн сүлд модны наадам өнөөдөр болж байна.
Хүүхдүүдэд урам зориг өгөх, бусдыгаа манлайлан онц суралцаж байгаа хүүхэд багачуудаа урамшуулж, хамтдаа шинэ оноо угтаж, баярлуулах зорилготой энэхүү харшийн сүлд модны наадмыг НИТХ-ын төлөөлөгч Ц.Баатархүү, дуучин А Cool нар санаачлан дөрөвдэх жилдээ зохион байгуулж байна.
“Hero&Cool” сүлд модны наадамд энэ жил хотын захын сургуулийн 11-17 насны, хичээлдээ амжилт гаргасан 800 гаруй хүүхдийг оролцууллаа.
Наадамд өвлийн өвгөн, цасан охид, хөгжилтэй алиалагчид циркийн үзүүлбэр үзүүлэхээс гадна хамтлаг дуучид ая дуугаа өргөн барьж, хүүхдүүдэд бэлэг гардуулах юм.

Монгол Улсын сайд, Засгийн газрын Хэрэг эрхлэх газрын дарга Г.Занданшатар тушаал гарган Хөрөнгө оруулагчдын эрх ашгийг хамгаалах зөвлөлийн дэргэд Төр, хувийн хэвшлийн зөвлөлдөх дэд хороо байгууллаа.

Дэд хороо хөрөнгө оруулалттай холбоотой хууль тогтоомж, бодлогын баримт бичиг боловсруулахдаа хууль ёсны ашиг сонирхол нь хөндөгдөх хуулийн этгээдийн төлөөллөөр тухайн асуудлыг хэлэлцүүлэн, санал авч, зөвшилцөх, мэдээллээр хангах үүрэг хүлээсэн байна.

Дэд хороог Үндэсний хөгжлийн дарга ахлах бөгөөд дэд даргаар Монголын үндэсний худалдаа, аж үйлдвэрийн танхимын дарга ажиллах юм. Хорооны бүрэлдэхүүнд холбогдох яам, агентлаг, төрийн бус байгууллагын төлөөлөл оржээ.

Мьянмар улсад болж өнгөрсөн ”Miss & Mrs Asia Noble Queen International” Азийн тэргүүн гоо бүсгүй шалгаруулалтад Монгол Улсаа төлөөлөн оролцсон Нармандахын Мишээлт хэмээх бүсгүй тэргүүн байрт шалгаран титмийн эзэн болжээ. Шалгаруулалт энэ сарын 19-22-нд Мьянмарт болсон бөгөөд шилдгүүдээ өнгөрсөн баасан гаригт тодруулсан байна.

Н.Мишээл нь 1999 онд төрсөн, энэ жил 18 настай. Монгол Улсын Боловсролын их сургуулийн хоёрдугаар курст суралцдаг юм байна. Өнгөрсөн жил мөн л С.Сарнай гэх монгол бүсгүй энэ титмийн эзэн болж байжээ.

ХОНЬ



Хониныхныг ирэх онд олон гайхамшиг, олон адал явдлууд тосож байна. Өнгөрсөн жил таны нууц хүсэл биелээгүй бол нохой жил таны асуудлыг шийдэж, ирээдүйн төлөвлөгөөгөө биелүүлэхэд тусалж чадна. Өрсөлдөгчид тань таныг хууран мэхлэхийг оролдох ч нохой жилд бүү ай. Таныг нохой хамгаалах болно. Бизнесийн бүх үүд хаалга нээгдэнэ. Гайхалтай үр дүнд хүрнэ. Хувийн амьдрал тань өөрчлөгдөж, гайхалтай бэлгүүдээр дүүрэн байх нь. Нохой жилд хонь ганцаардахгүй. Ганц бие хонь шинэ найз залуутай болж, ер бусын идэвхтэй амьдарна. Одод таны амралтыг мартсан бололтой. Таны ажил амжилтаар дүүрэн байна. Гэхдээ амрах хэрэгтэйг сануулж байна. Хайр дурлалын хувьд сонирхолтой нэгэнтэй учирна. Гэвч өөрт тохирохгүй гэж үзвэл сонгох хэрэггүй. Нохойн ачаар та зөв хүнээ олох болно. Нохой таныг муу хүмүүсээс холдуулна. Энэ жил хонинуудын урмыг хугалахгүй. Ухаалаг, хөөрхөн хүүхэд төрүүлж, амьдралын аз жаргалыг мэдэрнэ. 2018 он таны хувьд хайртай хүмүүс, гэр бүлийнхэнтэйгээ харилцаа холбоогоо улам бататгасан сайхан цаг мөч байх болно. Гэр бүлийн тань амьдрал гайхамшгаар дүүрэн байна. Орон сууж барихыг хүсвэл нохой танд тусална. Зочныхоо өрөөг гайхалтай сайхан тохижуулаарай. Мөн гэр бүлийн ахмад настандаа анхаарал хандуулж, тохь тухтай амраахыг хичээгээрэй.


Эрүүл мэнд сайн байх боловч муу зуршлаасаа татгалзахыг санал болгож байна. Тамхины утаанаас хол бай. Хонинууд энэ онд эрч хүчээр дүүрэн байх болно. Спортоор идэвхтэй хичээллэж, хоол хүнсний чанартайг сонгоорой. Хиам, чипс зэрэг хэрэггүй хүнснээс татгалз. Бах, Моцарт, Шуберт сонсож, сэтгэлээ сэргээ. Интернэтээр удаан аялах хэрэггүй. Эрүүл амьдралын хэв маягийг илүүд үз.



ҮХЭР



Үхрийн ордныхон ургацаа хураах цаг болжээ. Ирэх жилд үхрүүд аз жаргалтай байна. Жилийн турш хайрт чинь халамж анхаарлаа харамгүй зориулна. Томоохон гэрээнд гарын үсэг зурснаар амжилт ирнэ. Санхүүгийн байдал тогтвортой, зунаас тан руу мөнгө урсана. Нохой танд тэр мөнгийг юунд зарцуулахад тусална. Наймдугаар сард амралтаа авч амраарай. Мөнгөө найдвартай газар хадгалаарай. Гэр бүлийн харилцаа сайжирна. Ажлаар ч дарж өгөх нь ээ, нохой жил. Өдөр нь уулзалтууд дүүрэн, шөнө нь хэлэлцээрүүдээ төлөвлөх гээд ажил ундарна. Эрүүл мэнддээ анхаарч, гүйж, усан бассейнд явж, боксоор хичээллэн, балет бүжиглэх шаардлагатай болно. Шар нохой жил үхрүүдэд хайр дурлалын хувьд гэнэтийн бэлэг дүүрэн хайр амалжээ. Ганцаардсан үхрүүдийн хувьд амьдралын гайхамшгийг мэдэрнэ.

Нохой жилд та маш олон сонирхолтой танилтай болно. Мөнгө мөнгө, мөнгө. Санхүүгийн хувьд аз таарна. Жилийн эцэст та өөриййн бизнесээ эхлүүлж, саятан болох боломжтой. Гэр бүлийнхнийхээ саналыг харгалзан үзэж бүх шийдвэрээ гаргах хэрэгтэй. Нохой жил танд аз жаргал, баяр баясгалан, сайн харилцаа бүхнийг бэлэглэнэ. Хайртай хүндээ романтик сюрприз үе үе бариарай. Нохой таныг бэрхшээлээс аврах ч эрүүл мэндийн хувьд төдийлөн хайхрахгүй нь. Идэвхтэй байж спорпоор хичээллэх нь зөв сонголт болно. Шар нохой үхрүүдийг хэт их ачаалалтай ажиллахгүй байхыг зөвлөж байна. Сайхан хөгжим сонсож тайвшрах хэрэгтэй. Сэтгэлийн амар амгаланг эрэлхийл. Хүнсэндээ төрөл бүрийн ногоо, жимс жимсгэнэ түлхүү оруулаарай.



ИХЭР

Тахиа жилд та юунд ч санаа зовохгүй сэтгэл хангалуун байсан бол энэ жил хичээхгүй бол болохгүй. Өвлийн улирал дуусмагц ирээдүйн төлөвлөгөөгөө бусадтай хэлэлцэхийг зөвлөж байна. Сайн нохой чамайг орхихгүй. Улмаар ашигтай, сонирхолтой ажлууд санал болгоно. Хавар ихрүүдэд бизнесийн түншүүд, эсрэг хүйсийнхэн татагдана. Нохой хөрөнгийг хэрхэн шударга хуваарилахаа мэддэг. Нохой таныг хууран мэхлэгчид, зальтай өрсөлдөгчдөөс хамгаалах болно. Жилийн сүүлээр ихрүүдийн амьдрал үлгэр мэт гайхалтай байж, ид шидийн мэт өөрчлөлтүүдээр дүүрэн байх нь.

Нохой жилд ихрүүд хайр дурлалын адал явдлаар дүүрэн байна. Та сайхан, сэтгэл татам байна. Ихрүүдийг ур чадвараа дээшлүүлэхийг одод анхааруулав. Өрсөлдөгчид чинь таниас айх бөгөөд та ажил дээрээ алдаа гаргахгүй байх нь чухал. Эдийн засгийн хувьд эрсдэлд орохгүйн тулд мөнгөө хямгад. Хяналтаа алдахгүй байхыг хичээ. Нохой жилд гэр бүлийн халуун дулаан уур амьсгалыг бүрдүүлэхэд анхаарахыг одод зөвлөж байна. Бусдад аз жаргал өгөөд өөрөө хохирч болохгүй. Нохой жилд эрүүл мэндийн хувьд ямар нэг асуудал гарахгүй ч анхаарах хэрэгтэй. Архи уух зэрэг муу зуршлаа хаяхыг одод зөвлөж байна. Сэтгэлийн хөдлөлөө хяна. Спортоор хичээллэхийг одод зөвлөж байна.



МЭЛХИЙ

Мэлхийнүүдийн хувьд энэ жил нохойн хамгаалалтад байна. Өндөр албан тушаалтнаас маш сонирхолтой санал хүлээн авна. Гэр бүлийн үл ойлголцлыг даван туулж, асуудлыг шийдэх бөгөөд хамаатан садантайгаа эвтэй найртай харилцаатай байх болно. Ялихгүй маргаан арилна.

Зуны улиралд гэр бүлээрээ аялахыг зөвлөж байна. Урд нь учирч байгаагүй сонирхолтой нэгэнтэй уулзана. Танд нохой жилд өвдөх ч зав гарахгүй. Хөдөлмөрлөсний үр дүнд их мөнгөтэй болно. Удирдагч мэлхийнүүдэд ажилчиддаа анхаарал тавьж, тэднийг оройн хоолоор дайлахыг зөвлөж байна.

Хайр хэцүү зүйл ч мэлхийнүүд эсрэг хүйтснээ ялан дийлж чадна. Та романтик адал явдалд умбана. Ганцаардсан мэлхийнүүд гэрлэж, санаа зовох асуудалгүй болно. 2018 оны нохой жил бяцхан ухаалаг, үзэсгэлэнтэй хилэнцүүд мэндэлнэ. Нохой жилд мэлхийнээс санхүүгийн хувьд их хичээл зүтгэл, идэвх шаардана. Бүх боломжийг ашигла, бүү ай. Мөнгөний бурхад таны талд байна. Та өрсөлдөөний тухай мартаж болох ч таны өрсөлдөгч хэзээ ч энэ талаар мартахгүй. Нохойн тусламжтайгаар та хүссэндээ хүрнэ. Мэлхийнүүд нохой жилд шударга, хүндтэй хүмүүсээр хүрээлүүлнэ. Энэ жил хайр, харилцан ойлголцол, хүндэтгэл ноёлно. Эрүүл мэндийн хувьд асуудал гарахгүй. Хоол хүнсний чанартаа анхаарлаа хандуулаарай. Муу зуршлаасаа сал.



АРСЛАН

Таны найдвартай, шударга байдал нохой жилд амжилт дагуулна. Бизнесийн хувьд асуудлыг шийдэх гарцаа олно. Маш шаргуу хөдөлмөрлөж байж өрсөлдөгчдөө дийлэх нь. Та залхууралгүй санаачлагыг гартаа авах хэрэгтэй. Орон гэрээ зас. Арслангуудын амьдрал энэ жил ер бусын байна. Нохой танд тусалж хайр, энэрэнгүй сэтгэл бэлэглэх ч хайртай хүн чинь үл ойлгох байдал нэг бус удаа гаргана. Хайртай хүнээ баярлуулж, гайхшруулаарай. Ханиа олоогүй яваа арслангууд 2018 онд боломжийг ашиглах хэрэгтэй. Нохой жилд та өөрийнхөө замаар явж, санаагаа хэрэгжүүлэхээс бүү ай. Хуульд нийцсэн ямар ч үйл ажиллагааг тань нохой жил ивээх болно.

2018 онд шаргуу ажилласан арслангууд ажлынхаа үр шимийг хүртэнэ. Нохой жил арслангуудыг эрсдэлт алхам хийхээс хамгаалахыг хичээнэ. 2018 ондоо арслангуудад амжилтад хүрсэн хүмүүстэй уулзаж, анхааралтай сонсохыг зөвлөж байна. Нохой жилийн тэвчээртэй зан чанарыг сурахад илүүдэхгүй. Гэр бүлийн аз жаргал хэвийн. Таныг гэр бүлийн гишүүд тань зугаа цэнгэлээс ангид байлгах болно. Нохой жилд хоолны дэглэм барьж, эрүүл амьдралын хэв маягийг сонгоорой. Та хөгжилтэй байж чадах ч зөвхөн өөрийнхөө тухай бодох хэрэггүй. Юутай ч та нохой жилд бүү залхуураарай.



ОХИН

Нохой жил танд баяр баясгалан авчирна. Таныг хоёрдугаар сараас амжилт дагах бөгөөд аз жаргалын далайд умбана. Бизнесийн хувьд бүх үүд хаалга нээгдэнэ. Анхаарлаа төвлөрүүлэн ажилласнаар таны бизнесийн түншүүд танд найдах болно. Аливаа гэрээ хэлцэл хийхдээ хянуур болгоомжтой байхыг одод анхааруулж байна.

Гурав, дөрөвдүгээр сард мэргэжлийн түвшинд амжилтад хүрч, улмаар хувийн амьдралдаа анхаарлаа хандуулна. Бүх зүйл сайхан болох нь. Энэ жил төрсөн хүүхдүүд гайхалтай суут ухаантай, эрүүл чийрэг байхыг зурхайч нар санал нэгтэй хүлээн зөвшөөрч байна. Амралтаа хэдийд ч төлөвлөж болох ч одод наймдугаар сард амрахыг зөвлөжээ. Таны амьдралд илүү чухал зүйлсийг нохой жил танд бэлэглэх нь. Эрчүүдийн хувьд амжилт бүтээл дүүрэн байж, хөдөлмөрийнхөө үр шимийг хүртэж, гавьяа шагналын эзэд болно. Одод охины ордныхонд энэ жил өөрийгөө хэт их шүүмжлэх хэрэггүйг зөвлөж байна.

2018 онд та маш даруухан бөгөөд эмзэг байх нь. Таны зүрх сэтгэлийг олон учрал эзэмдэх боловч сэтгэлийн хөдлөлөөр асуудалд хандах хэрэггүй. Сонголт хийхэд хэцүү байх болно. Энэ жил охины ордныхныг тодорхой төлөвлөгөөтэйгээр урагшлахыг одод зөвлөж байна. Та дуртай ажлаа үргэлжлүүлэн хийгээрэй. Нохой жил гайхалтай ид шидтэй шүү. Гэр бүлийн амьдрал тань үлгэр шиг сайхан байна. Та гайхалтай дур булаам, бардам байх тул хайртай хүн чинь танд илүү сайн хандах болно. Энэ жил зарим нь ээж болж, олон хүүхэдтэй хүмүүс бие биетэйгээ уулзах нь. Охины ордод төрөгсөд нохойны идэвхтэй амьдралаас суралцах хэрэгтэй. Та 2018 онд нэг ч удаа эмийн сан зүглэхгүй. Учир нь та гайхалтай эрүүл саруул байх нь. Биед хэрэгцээт хоол хүнс, ялангуяа жимс, овъёос түлхүү хэрэглэхийг одод зөвлөж байна.



ЖИНЛҮҮР

Өнгөрсөн онд багагүй бэрхшээл тулгарсан ч нохой жилд юунд ч санаа зовох шалтгаан байхгүй. Жинлүүр нохой жилд санхүүгийн хувьд сэтгэл ханамжийг мэдрэх болно. Хавар Сугар гариг танд адал явдал бэлэглэнэ. Нохой жилд гэр бүл болвол бат бөх, нөхөрсөг байх болно. Мөнгөний урсгал татрах ч сандрах хэрэггүй.

2018 онд жинлүүрүүд дур булаам байна. 2018 онд таны амьдрал цуврал киноныхтой төстэй байх болно. Таныг сонирхсон бүхэн алдахыг хүсэхгүй. Ганц бие жинлүүрүүд гэр бүлтэй болох талаар бодох цаг болжээ. Фенүүд чинь хэдийнэ бөгж, агаарын бөмбөлөг худалдаад авчихсан байна.

Мөнгөн бороо цутгана. Та ”ургац”-аа хураан аваарай. Гэр бүлийн амьдрал нэгд тавигдахгүй ч гэр бүлийнхэндээ анхаарал хандуулаарай. Энэ бол хамгийн чухал зүйл юм. Өөртөө шүүмжлэлтэй хандана. Гэр бүлийнхэн чинь таныг үнэлж, гэр бүлийн уур амьсгал, харилцаа сайжирна. Дашрамд дурдахад, шар нохой жил төрсөн хүүхдүүд хүчтэй, ухаалаг байх болно. Дархлаагаа дэмжиж, жимс хэрэглээрэй. Чөлөөт цагаараа спортоор хичээллэх хэрэгтэй.



ХИЛЭНЦ

Хэрэв та халамжтай нохойн зөвлөгөөг сонсвол ямар ч асуудлыг амархан шийдэж чадна. Та нохой жилд бэрхшээлээс зайлсхийгээд зогсохгүй баяжиж чадна. Гэнэт хэн нэг нь өв залгамжлах болно. Ерөнхийдөө хилэнцүүд нохой жилд идэвхтэй байх болно. Оны сүүлч хүртэл далайн эрэг дээр амарч болох нь. Нохой жилд хилэнцүүд ганцаар байхгүй. Олон сонирхолтой адал явдал тохиолдоно. Хайрын асуудлын хувьд нохойн ивээлд найдаж болно. Таны сэтгэл хөдлөл, сээтэгнэл ижил тэнцүү байна. 2018 онд гэр бүл болоход тохиромжтой. Одод нууц шивнэдэг ч та түүнийг анзаардаггүй. Нохой жилд зөвхөн хөдөлмөрч хилэнцүүдэд л санхүүгийн хувьд аз тохионо.

Нохой жил хилэнцүүдийн бүтээлч чадварыг хөгжүүлэхэд сайнаар нөлөөлнө. Шинэ ажилд орох, цалингаа нэмүүлэхийг хүсч байвал нохой таны хүссэнээр таны талд байна. Мөнгө санхүүгийн ашиг таниас холгүй байна, гагцхүү авьяас чадвараа ашиглах хэрэгтэй. Одод шинэ түрийвч худалдан авахыг зөвлөж байна. Гэр бүлийн харилцаа сайн.

Гэр бүлийнхнээ удирдан чиглүүлэх гэж өөрийгөө бүү зовоо. Нохой жилд аз жаргалтай байх үндэс нь хайртынхаа ашиг сонирхлыг хуваалцах юм. Загасчин хүн бол загас барихыг нь ойлгохыг хичээ. Хайртай хүн чинь гүйх дуртай бол шинэ спорт гутал бэлэглэ, мөн өөрийгөө ч орхиж болохгүй.

Нохой жилд бүх баяр ёслол ёслол төгөлдөр, тансаг болно. Энэ онд хилэнцүүд өөрөөрөө болон гэр бүлээрээ бахархана. Хамаатан садан чинь ч хүртэл таныг сонсож эхэлнэ. Нохой жилд аялал хийхэд таатай байна. Айдас түгшүүрээ гээж, нохой жилдээ сэтгэлийн амар амгаланг эдлээрэй. Зарим хилэнцүүдэд йог ач тусаа өгнө.

Эрүүл мэндийн хувьд мэргэжилтнүүдийн зөвлөгөөг сонсох нь зүйтэй. Биеийн тамираар идэвхтэй хичээллэж, аялалд явах нь ашиг тусаа өгнө.



НУМ

Санаа зоволтгүй. Нохой жил 2018 онд таныг хамгаалж, өргөөний чинь үүдэнд үүрээ засах болно. Энэ онд таны амжилтад найз нөхөд чинь битүүхэн атаархана. Гэхдээ та мөнгөө дэмий зүйлд битгий үрээрэй. Аз жаргалын мэргэн бууч таны ганцаардлаас залхаж, асуудлаас ангижруулах аргыг нохой жилд шилжүүлжээ.

Та бүтээлч үйл ажиллагаанд өөрийгөө туршиж үзээрэй. Нохой жилд нум гайхалтай сайхан, тачаангуй байх болно. Олон адал явдал тохионо. Нумууд их романтик. Гэхдээ сэрэмжтэй байх хэрэгтэй. Олон адал явдал тохионо. Нохой жил нумуудад маш их мөнгө өгөх бөгөөд түүнийг зөв зохистой зарцуулах хэрэгтэй.

Санхүүгийн салбарт амжилтад хүрэх эсэх зөвхөн таниас шалтгаална. Та маш их мөнгө хүч байна уу? Одод авьяас билгээ бүтээлч сэтгэлгээгээр харуулахыг зөвлөж байна. 2018 онд ажиллахад хамгийн тохиромжтой үе. Нохой жил нумуудын хувьд гэр бүлийн амьдрал үлгэр мэт болно. Эмчээс бүү ай, тэд хазахгүй. 2018 онд нумуудын хувьд тайван амгалан байх чухал. Нохой жилд муу зуршлаас салахад хялбар байх болно. Итгэхгүй байвал та тамхиа хаяад, чихрийн хэрэглээгээ хязгаарлаад үзээрэй.



МАТАР

Энэ жил бизнес түншүүдээсээ өнгөрсөн жилээс илүү соонирхолтой санал хүлээн авах болно. Санхүүгийн болон мэргэжлийн бүх амжилтад хүрэхийн төлөө зүтгэж байгаа ч хувийн амьдралаа мартахгүй байх нь чухал. Нохой жилийн өвөл мэргэжлийн салбарт амжилт, ашиг орлого олж, шинэ ашигтай холбоо тогтоох болно.

Нохой жил оны эцэст танд уйдах зав олгохгүй. Матрууд аз жаргалтай байна. Та үнэлэгдэж, хайрлуулж, бишрүүлнэ. Хайр сэтгэлийн асуудалд сэрэмжтэй хандах хэрэгтэй. Төгс төгөлдөр нэгэнтэй амьдрах нь уйтгартай, сонирхолгүй тул шалгуураа багасгах хэрэгтэй. Хэрвээ та боломжийг ашиглаж чадвал хүссэн хүнтэйгээ учрах болно.

Нохой жил таныг чин сэтгэлээсээ баяртай байхыг хүсч байна. Шар нохой жил танд мөрөөдлийн ажлаа олох, эсвэл бизнесээ эхлүүлэхэд тусална. Энэ жил матрууд эрсдэлгүйгээр амархан баяжих боломжтой. Хариуцлагаас бүү ай. Жилийн турш нохойнууд чамд итгэж, мөнгөө хадгалуулахад бэлэн байна. Найзууд тань ашигтай бизнес эрхэлнэ.

Нохой жил гэр бүлийн тань амдрал гэрэл гэгээтэй, сайхан байх болно. Өдөр бүр та өөрийн сонгосон нэгнийг гайхшруулж, халамжилж, хариуд нь алган дээр нь бөмбөрөх болно. Хэрэв та ганц бие бол хөөрхөн ”шувууд”-тай уулзахдаа бэлтгэ. Нохой жилд эрүүл мэндийн хувьд ямар нэг асуудал гарахгүй ч сэтгэцийн эрүүл мэндэд анхаарал хандуулахад илүүдэхгүй. Та нохой жилд спортоор хичээллэнэ. Ядрахгүй. Матруудад нохой жилийн турш бясалгал, йог ашигтай. Энэ нь сэтгэл санаагаа тайвшруулж, өөрийгөө үнэлэх чадварыг нэмэгдүүлнэ.



БУМБА

Бумбынхан амьдралдаа сэтгэл хангалуун байдаг учир хэзээ ч асуудал үүсгэдэггүй. Танд хүмүүсийг удирдан зохион байгуулах авьяас чадвараа гаргах боломжийг нохой жил олгож байна. Шинэ агентлагаа нээх таатай мөч. Хувийн амьдрал тань тогтуун байна. Олон бумба ид шидэд итгэдэг. Нохой жилд бумбууд шинэ, хэрэгтэй олон танилтай болно. Оны төгсгөл гэхэд ямар ч санаа зовоосон асуудалгүй, бүгдийг аюулгүйгээр шийдвэрлэж чадна.

Хайр бол төвөгтэй зүйл. Гэхдээ зүрх сэтгэлээ сонсож, хүссэнээрээ бүгдийг хий. Ямар ч царайлаг, сайхан таны талд байх болно. Та нохой жилд адал явдалтай учирч гайхалтай мэдрэмж мэдрэх ч сэтгэлийн хөдөлгөөнөө хянах хэрэгтэй. Төсөөлж ч байгаагүй, сонирхолгүй нэгэнтэй бүртгэлийн газар очиж болзошгүй.

Нохой жилд сонирхолтой болзоо бараг байхгүй. Бумбын ордны зарим нь жилийн эхэнд өөрт тохирох нэгэнтэйгээ уулзах болно. Зүрх сэтгэл тань мэхлэхгүй. Хуримаа хийж ч мэднэ. Бизнесээ эхлүүл, бумбынхны дийлэнх нь баян чинээлэг болох боломжтой.

Та бизнес хамтрагчидтайгаа сайтар ойлголцож, хүлээн авалт зохион байгуулахдаа нохойгоо дуудахаа бүү мартаарай. Нохой жил таны ажил хэрэгт тусалж гараа сунгана. Гадаадын түншүүдээс таатай боломжууд санал болгоно. Магадгүй газрын тосны магнат, кофены хаадтай ч гэрээ байгуулах боломжтой. Гэр орны хувьд дулаан, тохь тухтай байна. Нойргүйдэж болзошгүй. Интернэтээр дэмий сэлгүүцэхийн оронд гүй. Нохой жилд ухаантай, хичээнгүй бумбынхан бүх асуудлыг дамж гарна.


ЗАГАС

Энэ жил загаснуудын хувьд удаан хугацааны турш хайсан аз жаргалаа олно. Юуны өмнө нохой жил загасанд шинэ, сонирхолтой ажил санал болгох нь. Тиймээс энэ онд загас гайхамшигтай уран бүтээлч, эсвэл чадварлаг зохиолч болж чадна. Гуравдугаар сард таны авьяас билэг төгөлдөр байна.

Загаснууд орон сууцны асуудлаа шийдэж, зарим нь шинэ тохилог орон байртай болно. Өрсөлдөгчид буюу дайснаа та өөрийн нөхөр болгож чадна. Нохой жил таныг шинэ бөгөөд сонирхолтой хүмүүстэй учруулна. Хайр дурлалын асуудлын улмаас сэтгэл гонсойхгүй, сэтгэл зүрх тань хайраар бялхана.

Та нохой жилд мөнгө санхүүгийн асуудалд хянуур хандах хэрэгтэй. Мөнгө тэнгэрээс унаад ирэхгүй. Хувь заяанаас өгсөн боломж бүрийг ашигла. Та илүү их ашиг олохын тулд дэмий хоосон мөрөөдөгч танилуудаасаа болгоомжлоорой. Буян хийхийг хүсвэл таны тусламж илүү хэрэгтэй асрамжийн газрыг зүглээрэй. Илүү их унтаж, бага ид. Мөн тамхи татах зэрэг муу зуршлуудаа хаях хэрэгтэй.

4-christmas-surprising4-christmas-surprising4-christmas-surprising4-christmas-surprising17-christmas-surprising17-christmas-surprising1christmas-surprising1christmas-surprising1christmas-surprising1christmas-surprising1christmas-surprising1christmas-surprising1christmas-surprising1christmas-surprising1christmas-surprising1christmas-surprising

Дэлхийн баячууд өөрсдийн амьдралаа “өрнөлттэй” болгохын тулд элдвийн юм сэдэж, зугаагаа гаргаж буй дүрс бичлэгүүд нийгмийн сүлжээгээр л нэг байдаг. Мөнгөний төлөө үхэн хатан зүтгэж, түүний үнэ цэнийг биеэрээ мэдэрдэг хүмүүсийн дэргэд тэд юугаар ч дутагдаж гачигдахгүй тансаг гэх үгийн утгыг “үзүүлж” яваа болохоор амьдралынхаа хором мөч бүрийг сонирхолтой өнгөрөөхийг хүсдэг биз.

Өмнөд Суданы засгийн газрын цэргүүд болон сөрөг хүчнийхний хооронд байгуулсан гал зогсоох тухай хэлэлцээр хэрэгжиж эхэлжээ.

“Ассошиэтед Пресс” агентлагийн мэдээлснээр, талууд ням гарагийн буюу өчигдөр шөнө дундын үеэс гал зогсоож эхэлсэн байна. Талууд гал зогсоох тухай хэлэлцээрт өнгөрөгч долоо хоногийн пүрэв гарагт Этиопт гарын үсэг зурсан аж. Тэд иргэдэд хүмүүнлэгийн тусламж хүргэхээр мөн тохиролцсон байна.

Талуудын хооронд зуучлагчийн үүрэг гүйцэтгэсэн Этиопийн Засгийн газар ням гарагт мэдэгдэл хийхдээ “Энэ гал зогсоох тухай хэлэлцээр бол Өмнөд Суданы ард түмэнд барьж буй Зул сарын хамгийн том бэлэг” гэжээ.

Өмнөд Судан нь иргэний дайн дууссаны дараа буюу 2011 онд тусгаар тогтносон хэдий ч тус улсад хоёр жилийн дараа дахин дайн байлдаан дэгдсэн юм. Дайсагнагч талууд 2015 оны наймдугаар сард энхийн хэлэлцээрт гарын үсэг зурсан боловч өнгөрсөн оны долдугаар сараас тус улсын нийслэл Жуба хотод талууд байлдаж эхэлсэн билээ.
Г.Доржханд

Шинэ жилийн баярын өдрүүдээр иргэдэд эмнэлгийн тусламж, үйлчилгээ үзүүлэх орон нутаг болон нийслэлийн дүүргийн эрүүл мэндийн төвүүдийн үзлэгийн кабинет болон томуу, томуу төст өвчний үед эмнэлгийн тусламж үзүүлэх байгууллагын утасны жагсаалтыг Эрүүл мэндийн яамнаас та бүхэнд хүргэж байна.

Энэ сарын 29-нөөс ирэх оны нэгдүгээр сарын 02-ны хооронд дүүргийн эрүүл мэндийн төвийн гэмтэл, мэс засал, дотор, шүдний кабинетууд, Шүд эрүү нүүрний төв, дүүргийн эрүүл мэндийн төвийн гэмтэл, мэс засал, дотор шүдний кабинет, Өрхийн эрүүл мэндийн төвүүд 10.00-16.00 цагийн хооронд ажиллана.

ТОМУУ, ТОМУУ ТӨСТ ӨВЧНИЙ ҮЕИЙН ЭМНЭЛГИЙН ТУСЛАМЖ, ҮЙЛЧИЛГЭЭ ҮЗҮҮЛЭХ ХУВААРЬ



№

Байгууллага

Зөвлөгөө өгөх утасны дугаар

Ажиллах цагийн хуваарь

1

Багануур дүүргийн ЭМТ

70210290

Ажил, амралтын өдөр 24.00 цаг

2

Багахангай дүүргийн ЭМТ

7049103 0222103

Ажил, амралтын өдөр 09.00-20.00 цаг

3

Налайх дүүргийн ЭМТ

70233464

Ажил, амралтын өдөр 24.00 цаг

4

Сүхбаатар дүүргийн ЭМТ

350793

Ажлын өдөр

09.00-22.00

Бямба гарагт

10.00-17.00

5

Хан-Уул дүүргийн ЭМТ

345903

6

Чингэлтэй дүүргийн ЭМТ

70110278

7

Сонгинохайрхан дүүргийн ЭМТ

98254999

8

Баянзүрх дүүргийн ЭМТ

70150063

70150049

9

Баянгол дүүргийн ЭМТ

362539

МҮОНРТ Юнител групп хамтран “Хавар” хэмээх 19 ангит киног бүтээжээ. Тус киноны нээлт өнгөрсөн баасан гарагт Корпорайт зочид буудалд боллоо. Киноны нээлтэд МҮОНРТ-ийн хамт олны төлөөлөл, киноны зохиолч, найруулагч, кинонд тоглосон гол болон туслах дүрийн жүжигчид оролцсон байна. МҮОНТ –ийн бүтээл “Хавар” олон ангит кинонд залуусын хайр сэтгэл, амьдралын мөн чанар, зорилго тэмүүллийн тухай өгүүлдэг юм байна.

Анхны 4К технологиор бүтээсэн уг киноны зохиолыг эдийн засагч П.Хашчулуун бичсэн бөгөөд тус кинонд найман дуу шинээр бүтээжээ. “Хавар” олон ангит киноны эхний хоёр анги нь шинэ жилийн өмнөхөн буюу арванхоёрдугаар сарын 29-нд МҮОНТ-ээр гарах аж. Дараагийн ангиуд нь ирэх оны нэгдүгээр сараас долоо хоногийн ажлын таван өдөрт цацагдаж олны хүртээл болох аж.

Дундад зууны тухай, за бүр наанадаж өнгөрсөн зууны гуч дөчөөд оны үйл явдал бүхий кино үзэж суутал гэнэтхэн гөлийтөл нь индүүдчихсэн, индүү нь ирмэгтэж, сүүдэртсэн дээлтэй нөхөр гараад ирэнгүүт, дээл нь орчин цагийн гялалзсан саатай хятад торгоор урласан бол үзэх ямар ч дур сонирхолгүй болоод, сувгаа солихоос аргагүй болж байгаа юм.

УИХ дахь намын бүлгүүд өнөөдөр хуралдана. МАН-ын бүлэг “Жанжин Д.Сүхбаатар”-ын талбайд хуралдах бол, АН-ын бүлэг “Их Эзэн Чингис Хаан”-д хуралдана.



АН-ын бүлэг ”Төв банк”-ны асуудлаар ажлын хэсэг байгуулаад буй бөгөөд өнөөдрийн хурлаар чуулганаар хэлэлцэх асуудлаар байр сууриа нэгтгэх аж. Мөн МАН-ын бүлэг ч мөн чуулганаар хэлэлцэх асуудлаар байр сууриа нэгтгэхээр болжээ.

МОНГОЛ УЛСЫН ИХ ХУРЛЫН 2017 ОНЫ НАМРЫН ЭЭЛЖИТ ЧУУЛГАНЫ 12 ДУГААР САРЫН 25-НААС 28- НЫ ӨДРҮҮДЭД НАМЫН БҮЛЭГ, АЖЛЫН ХЭСЭГ, БАЙНГЫН ХОРООНЫ БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ



НЭГ.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН:



05 дугаар сарын 15-ны Даваа гарагт:



Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
Улсын Их Хурал дахь Ардчилсан намын бүлгийн хуралдаан “Их Эзэн Чингис Хаан” танхимд.


ХОЁР.АЖЛЫН ХЭСГИЙН ХУРАЛДААН:



12 дугаар сарын 25-ны Даваа гарагт:



Банкны тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 10.00 цагаас “В” танхимд;
Төв банк /Монголбанк/-ны тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.30 цагаас “В” танхимд;
“Дээд боловсролын шинэчлэл: Судалгааны их сургууль” сэдэвт төрийн өмчийн их, дээд сургуулиудын удирдлагуудтай Нийгмийн бодлого, боловсрол, соёл, шинжлэх ухааны байнгын хорооны гишүүдийн уулзалт, 14.00 цагаас МУИС-ийн 1 дүгээр байрны 320 тоот танхимд;
Хөрөнгө оруулалтын банкны тухай хуулийн төсөл болон хамт өргөн мэдүүлсэн бусад хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан 16.00 цагаас “Г” танхимд.


12 дугаар сарын 26-ны Мягмар гарагт:



Төв банк /Монголбанк/-ны тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 10.00 цагаас “В” танхимд;
Банкны тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 12.00 цагаас “В” танхимд;
Улсын Их Хурлын даргын 2017 оны 188 дугаар захирамжаар байгуулагдсан Хөрөнгө оруулалтын банкны тухай хуулийн төсөл, Төв банк /Монголбанк/-ны тухай хуульд нэмэлт оруулах тухай, Банкны тухай хуульд нэмэлт, өөрчлөлт оруулах тухай хуулийн төслүүдийг хэлэлцүүлэх бэлтгэл хангах үүрэг бүхий ажлын хэсгийн хуралдаан 14.00 цагаас “В” танхимд;
Соёлын тухай, Соёлын өвийг хамгаалах тухай хуулийн хэрэгжилтийг шалгах, соёл урлагийн байгууллагын үйл ажиллагаатай танилцан соёл урлагын салбарын хууль тогтоомжийг боловсронгуй болгох, тулгамдсан асуудлыг шийдвэрлэх талаар санал, дүгнэлт гаргах, шийдвэрийн төсөл боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсэг “Мэргэжлийн хяналтын ерөнхий газраас сүүлийн 5 жилийн хугацаанд соёлын салбарт болон соёлын өвийг хамгаалах хүрээнд хийсэн хяналт шалгалтын дүн”-ийн талаар хэлэлцэх 15.00 цагаас “Г” танхимд.


12 дугаар сарын 27-ны Лхагва гарагт:



Донорын тухай хуулийн шинэчилсэн найруулгын төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 10.00 цагаас “В” танхимд.


ГУРАВ.БАЙНГЫН ХОРООНЫ ХУРАЛДААН:



12 дугаар сарын 26-ны Мягмар гарагт:



1.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “Жанжин Д.Сүхбаатар” танхимд:



Хэлэлцэх асуудал:



Боловсролын тухай, Сургуулийн өмнөх боловсролын тухай хуулийн хэрэгжилтийг хангах хүрээнд “Засгийн газарт чиглэл өгөх тухай” Байнгын хорооны 2017 оны 07 дугаар сарын 05-ны өдрийн 25 дугаар тогтоолын хэрэгжилтийн талаарх Боловсрол, соёл, шинжлэх ухаан, спортын сайдын мэдээлэл сонсож хэлэлцэх;
Боловсролын тухай, Бага, дунд боловсролын тухай хуулийн хэрэгжилтийг хангах хүрээнд “Засгийн газарт чиглэл өгөх тухай” Байнгын хорооны 2017 оны 06 дугаар сарын 09-ний өдрийн 24 дүгээр тогтоолын хэрэгжилтийн талаарх Боловсрол, соёл, шинжлэх ухаан, спортын сайдын мэдээлэл сонсож хэлэлцэх;
Боловсролын тухай, Дээд боловсролын тухай, Дээд боловсролын санхүүжилт, суралцагчдын нийгмийн баталгааны тухай хуулийн хэрэгжилтийг хангах хүрээнд “Засгийн газарт чиглэл өгөх тухай” Байнгын хорооны 2017 оны 07 дугаар сарын 26-ны өдрийн 26 дугаар тогтоолын хэрэгжилтийн талаарх Боловсрол, соёл, шинжлэх ухаан, спортын сайдын мэдээлэл сонсож хэлэлцэх;
Бичил уурхай эрхлэгч иргэдийн талаар авах арга хэмжээний тухай Монгол Улсын Их Хурлын тогтоолын төслийг хэлэлцүүлэгт бэлтгэх үүрэг бүхий ажлын хэсэг байгуулах тухай.


1.Хууль зүйн байнгын хорооны хуралдаан 09.00 цагаас “Их Эзэн Чингис хаан” танхимд:



Хэлэлцэх асуудал:



“Авлигатай тэмцэх газрын зохион байгуулалтын бүтэц, орон тоог шинэчлэн батлах тухай” Монгол Улсын Их Хурлын 2012 оны 05 дугаар сарын 22-ны өдрийн 55 дугаар тогтоолд өөрчлөлт оруулах тухай Улсын Их Хурлын тогтоолын төсөл;
“Авлигатай тэмцэх газрын албан хаагчийн албан тушаалын цалингийн хэмжээг шинэчлэн тогтоох тухай” Улсын Их Хурлын тогтоолын төсөл;
Бусад.


12 дугаар сарын 27-ны Лхагва гарагт:



1.Эдийн засгийн байнгын хорооны хуралдаан 09.00 цагаас “Их Эзэн Чингис хаан” танхимд:



Хэлэлцэх асуудал:



Төв банк /Монголбанк/-ны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төсөл /Улсын Их Хурлын гишүүн Ө.Энхтүвшин нарын 10 гишүүн 2017.11.17-ны өдөр өргөн мэдүүлсэн, анхны хэлэлцүүлэг/;
Банкны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төсөл /Улсын Их Хурлын гишүүн Г.Занданшатар нарын 10 гишүүн 2017.11.03-ны өдөр өргөн мэдүүлсэн, анхны хэлэлцүүлэг/.


ДӨРӨВ.ЧУУЛГАНЫ НЭГДСЭН ХУРАЛДААН:



12 дугаар сарын 28-ны Пүрэв гарагт 10.00 цагаас:



Банкны тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төсөл /Улсын Их Хурлын гишүүн Г.Занданшатар нарын 10 гишүүн 2017.11.03-ны өдөр өргөн мэдүүлсэн, анхны хэлэлцүүлэг/;
Төв банк /Монголбанк/-ны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төсөл /Улсын Их Хурлын гишүүн Ө.Энхтүвшин нарын 10 гишүүн 2017.11.17-ны өдөр өргөн мэдүүлсэн, анхны хэлэлцүүлэг/;
Авлигатай тэмцэх газрын зохион байгуулалтын бүтэц, орон тоог шинэчлэн батлах тухай Монгол Улсын Их Хурлын 2012 оны 05 дугаар сарын 22-ны өдрийн 55 дугаар тогтоолд өөрчлөлт оруулах тухай Улсын Их Хурлын тогтоолын төсөл;
“Авлигатай тэмцэх газрын албан хаагчийн албан тушаалын цалингийн хэмжээг шинэчлэн тогтоох тухай” Улсын Их Хурлын тогтоолын төсөл;
Бусад.

Улаанбаатар хотын агаарын бохирдол эрс ихэссэн, хүйтний эрч чангарч ес эхэлж байгаа энэ үед нийслэл дэх хүүхдийн эмнэлгүүдийн ачаалал нэмэгдэж, зарим тохиолдолд өвчтөнүүд шаардлагатай тусламж үйлчилгээ авахад хүндрэл үүсдэг. Томуу, томуу төст өвчнөөр өвчлөгсдийн тоо өнгөрч буй долоо хоногоос эрс нэмэгдсэн талаар эмч нар ярьж байна. Ойрын хоёр, гурван сарын хугацаанд энэ байдал үргэлжлэх болон нөхцөл байдал илүүтэй хүндэрч болзошгүй, жил бүр л энэ байдал давтагддаг учраас урьчилан сэргийлэх, өвчлөл эрс нэмэгдэхэд ямар арга хэмжээ авах боломж байгаа зэрэгт Монгол Улсын Ерөнхийлөгч Х.Баттулга анхаарал хандуулав.

Монгол Улсын Ерөнхийлөгч Х.Баттулга Баянзүрх дүүргийн нэгдсэн эмнэлэг, Баянгол, Сүхбаатар дүүргийн хүүхдийн эмнэлэг, Эх хүүхдийн эрүүл мэндийн үндэсний төвөөр орж тус эмнэлгүүдээр үйлчлүүлж байгаа томуу, томуу төст өвчний шинж тэмдэгтэй хүүхдүүдийн эцэг эх болон, ням гаригт ажиллаж байгаа жижүүрийн эмч нартай уулзаж ярилцахыг зорьсон юм.

Дүүргүүдийн хүүхдийн эмнэлэгт өдөрт дунджаар 200-300 орчим хүүхэд хандан үзүүлж, зайлшгүй хэвтэн эмчлүүлэх шаардлагатай гэж үзсэн 10-20 хүүхдийг л хүлээн авч, бусдыг нь гэрээр эмчлүүлэхээр буцааж байгаа талаар эмч нар ярьж байлаа. Мөн Баянгол, Сүхбаатар дүүргийн хүүхдийн эмнэлэгт гэхэд үүдний коридорт 1-2 хоног хэвтүүлэн, эмчилж байгаад ор гарахаар тасагт шилжүүлэх арга хэмжээ авч байгаа талаар танилцуулсан юм. Амралтын өдрөөр дүүргийн хүүхдийн эмнэлгүүдийн ачаалал эрс ихэсдэг, мэргэшсэн хүүхдийн эмчийн хүрэлцээ хангалтгүй зэргээс шалтгаалан эмчид үзүүлэх дараалал хүлээсээр 3 цаг болж байна хэмээн эцэг эхчүүд ярьж байна. Хүүхдүүдийг нэг өрөөнд олноор сахиурын хамт хэвтүүлсэн буюу өрөөндөө 10-14 хүн байгаа хэдий ч зориулалтын агааржуулагчгүй, эмнэлгийн үүдний хонгилд хаалганы салхинд суун хүүхдээ үзүүлэхээр удаан хугацаагаар хүлээх зэрэг нь халдвар дамжих, халуунтай хүүхдийн өвчин хүндрэхэд нөлөөлж байгааг ч мөн тэд ярьсан юм.

Нийслэлийн хэмжээнд хүүхэд хүлээн авдаг эмнэлгүүдийн орны тоо 870 орчим, ачаалал ихэссэн үед 200 орчим эвхдэг ор нэмж тавин өвчтөн хүлээн авдаг гэтэл ханиад томуу ихэссэн оргил ачааллын үед үүнээс хоёр дахин илүү тооны хүүхдийг хэвтүүлэн эмчлэх шаардлага тулгардаг байна. Тэгэхээр энэхүү оргил ачааллын үед буюу цаг агаар хүйтэрч ханиад томуу ихэссэн үед 1600-1700 хүүхэд хүлээн авч хэвтүүлэн эмчлэх бэлтгэлтэй байх хэрэгтэй байгаа юм.

Монгол Улсын Ерөнхийлөгч Х.Баттулга өнөөдөр хүүхдийн эмнэлгүүдэд ажиллах явцдаа Цэргийн госпитал буюу Цэргийн госпитал буюу Батлан хамгаалах, хууль сахиулах алба хаагчдын нэгдсэн эмнэлэг, Төрийн тусгай албан хаагчдын эмнэлгээр орж тус эмнэлгүүдэд өвлийн улиралд томуу, томуу төст өвчний тархалтын үед хүүхэд хүлээн авах боломж байгаа эсэхийг ярилцлаа. Цэргийн госпиталын хувьд 70 орчим сул ор байгаа, Төрийн тусгай албан хаагчдын эмнэлэг ирэх оны нэгдүгээр сарын 1-нээс үйл ажиллагаагаа эхлүүлэх бөгөөд 240 өвчтөнийг нэгэн зэрэг хэвтүүлэн эмчлэх боломжтой юм байна.






Цэргийн госпитал

НӨАТ-ын урамшууллын сугалааны ээлжит тохирол өчигдөр/12.24/ явагдлаа. Энэ удаагийн тохиролд 2017 оны арваннэгдүгээр сарын 01-30-ны өдрийн хооронд худалдан авалт хийж, бүртгүүлсэн НӨАТ-ын баримтыг хамруулжээ.


Сугалаагаар:

20 мянган төгрөгийн азтан 12,965
100 мянган төгрөгийн азтан 1,331
500 мянган төгрөгийн азтан 130
4 сая төгрөгийн азтан 14
20 сая төгрөгийн 1 азтан тодорч, нийт 14,441 хүн азтан боллоо. Харин 100 сая төгрөгийн супер азтан тодорсонгүй.