Хятад орныг танин мэдэх, Хятадын Өвөр монголын соёл, аялал жуулчлалын өдрүүдийн хүрээнд хоёр улсын соёлын солилцоо, иргэдийн нөхөрлөл, ойлголцлыг гүнзгийрүүлж, “Бүс ба зам” санаачилга болон Монгол Улсын “Хөгжлийн зам” төслийг идэвхтэй ахиулах зорилгоор зохион байгуулагдаж буй Хятадын кино өдрүүд арга хэмжээний нээлтийн ёслол есдүгээр сарын сарын 04-ний өдрийн 19:00 цагт Тэнгис кино театрт болсон билээ.

Нээлтийн Үеэр Өвөр монголын Кино группийн дарга Шилин хэлэхдээ “Талуудын давуу талыг бүрэн ашиглан, олон талт хамтын ажиллагааны үр дүнд хоёр орны үндэсний кино, телевизийн салбарын хүч чадлыг сайжруулж, Хятад-Монголын кино, телевизийн хамтын ажиллагаа болон хөгжлийг ахиулах болно” гэсэн юм.

Энэхүү кино өдрүүдэд нь есдүгээр сарын 04-08-ны өдрийг хүртэл үргэлжлэх бол сүүлийн жилүүдэд Хятад улсад орлого ихтэй “Их Шанхай”, “ Чөтгөр барьсан тэмдэглэл”, ”Бээжинд Сиэтлтэй уулзсан” зэрэг хайр сэтгэлийн, адал явдалт, инээдмийн зэрэг 10 киног сонгон үзүүлж байгаа юм. Хятадын нийгмийн өнөөгийн бодит төрх болон үндэсний зан заншлыг олон талаас харуулсан энэхүү кинонуудыг монгол хэл дээр орчуулан үзэгчдэд хүргэж байна.

Сүүлийн жилүүдэд Хятад, Монгол хоёр орны соёлын солилцоо улмаар өргөжин тэлж, Өвөр Монголын Кино групп болон Монгол Улсын холбогдох байгууллагуудтай зургаан төрлийн гэрээнд гарын үсэг зурсан байна. Хамтран кино хийх, кино ордон байгуулах, кино уран бүтээл хэвлэх төсөл, кино уран бүтээл цацах тавцанг байгуулах зэрэг талаар идэвхтэй хамтран ажиллаж, хоёр орны кино үйлсийн хамтын ажиллагааг ахиулж байгаа үйл явдал болж байна.

Л.Сайнбаяр