Чингэлтэй дүүргийн Засаг даргын “Нэг цонхны үйлчилгээнд ажиллах хэлтэс, албадын хуваарь батлах тухай” 2018 оны А/32 тоот захирамж нэгдүгээр  сарын 22-ны өдөр батлагдсан. Засаг даргын захирамжийн дагуу Нийгмийн даатгалын хэлтэс, Татварын хэлтэс, Онцгой байдлын хэлтэс, Газрын албаны мэргэжилтнүүд хороод дээр очиж, иргэдэд мэдээлэл өгч, санал, хүсэлтийг нь хүлээн авч шийдвэрлэж, хэрэгжилтийг сар бүрээр гаргаж, үр дүнг нь тооцон ажиллаж байгаа аж.

Энэ сарын байдлаар 1-19 дүгээр хорооны ”Нэг цонхны үйлчилгээ”-гээр 6850 иргэн үйлчлүүлж, 6768 иргэнд төрийн  үйлчилгээ үзүүлжээ. Дүүргийн Засаг даргын Тамгын  газрын “Нэг цэгийн үйлчилгээ”-гээр  21576 иргэн үйлчлүүлсэн байна. Нийт дүнгээр есдүгээр сард 19 хороо болон Дүүргийн “Нэг цонхны үйлчилгээ”-ээр 28421 иргэн үйлчлүүлж, 28344 асуудлыг шийдвэрлэжээ. Өссөн дүнгээр 384591  иргэн  үйлчлүүлж 383219 асуудлыг  шийдвэрлэсэн байна.

Б.Лхам