Увс аймгийн Хөдөлмөрийн дээд сургуулийн 20 жилийн ойн нэрэмжит Монгол улсын орон нутгийн мэргэжлийн боловсролын их, дээд сургууль, коллежийн оюутны “Универсиад-2018” спорт, урлагийн уламжлалт 21 дүгээр их наадам Увс аймгийн Улаангом хотноо 09 сарын 20-23-ний өдрүүдэд амжилттай зохион байгуулагдаж өндөрлөлөө.

Наадмын нээлтийн үйл ажиллагаанд наадамд оролцогч сургуулийн захирал, төлөөлөгч нар болон МОСХ-ны гүйцэтгэх захирал Ч.Эрдэнэтуяа, Хөдөлмөрийн дээд сургуулийн захирал Ц.Лумжав, Увс аймгийн засаг даргын орлогч Т.Нямсамбуу нар оролцож наадамд оролцогчдод баяр хүргэж үг хэлсэн. Мөн энэ үеэр тамирчин, шүүгчийн тангараг өргөх ёслол боллоо. Нээлтэнд хүрэлцэн ирсэн хүндэт зочид, төлөөлөгчдөд зориулж Хөдөлмөрийн дээд сургуулийн авьяаслаг оюутнууд мэндчилгээ дэвшүүлж баяр хүргэсэн.

Хөдөлмөрийн дээд сургуульд “Универсиад-2018” XXI их наадмыг зохион байгуулах эрхийг Монголын Оюутны Спортын Холбоо болон Баруун бүсийн Оюутны Спортын Холбооны шийдвэрээр олгосны дагуу Монгол Улсын Боловсрол, Соёл, Шинжлэх ухаан, Спортын яам, Монголын Оюутны Спортын Холбоо, Хөдөлмөрийн дээд сургууль, Увс аймгийн Засаг даргын тамгын газар хамтран зохион байгуулсан юм.

Наадамд МУИС-ийн Завхан сургууль, АШУҮИС-ийн Говь-Алтай аймаг дахь салбар Анагаах ухааны сургууль, Ховд ИС, Увсын Хөдөлмөрийн дээд сургууль, Архангай МУБИС, Дорнод их сургууль болон БНХАУ-ын Күнзийн институтийн нийтдээ 7 байгууллагын 300 гаруй төлөөлөгч оролцож, спортын 5, урлагийн 6 төрлөөр хурд хүч, авхаалж самбаа, авьяас чадвараа сорин "ШИЛЖИН ЯВАХ ЦОМ"-ын төлөө ур чадвараа сорин өрсөлдлөө.

“УНИВЕРСИАД-2018” уламжлалт XXI их наадамд Ховд их сургуулийн баг 52 оноогоор тэргүүн байр эзэлж, ХИС-ийн захирал, доктор, дэд профессор В.Сайнбаяр, ОУХ-ний мастер, дасгалжуулагч Д.Баярболд нар “ШИЛЖИН ЯВАХ ЦОМ”, алтан медаль гардан авлаа. Наадмын хоёрдугаар байрт наадмыг зохион байгуулагч Ц.Лумжав захиралтай Хөдөлмөрийн дээд сургууль, гуравдугаар байрт доктор, профессор М.Банзаагааяа захиралтай АШУҮИС-ийн Говь-Алтай аймаг дахь Анагаах ухааны сургууль тус тус шалгарлаа.

Наадмын язгуур урлаг, гоцлол бүжиг, гоцлол дуу, гоцлол хөгжим, ардын бий биелгээ, оюутан миссийн төрлүүд аймгийн Хөгжимт драмын театрт амжилттай явагдав. Урлагийн наадамд Хөдөлмөрийн дээд сургуулийн авьяаслаг оюутнууд тэргүүн байр эзэллээ.

Язгуур урлаг:

I байр: н.Есөнтөмөр /Дорнод их сургууль/

II байр: н.Нэмэхбуян /Ховд их сургууль/

III байр: н.Жомарт /ХИС-ийн Баян-Өлгий аймаг дахь салбар сургууль/

Гоцлол бүжиг:

I байр: н.Уранцэцэг /Архангай МУБИС-ийн салбар сургууль/

II байр: Г.Одончимэг /Увс Хөдөлмөрийн дээд сургууль/

III байр: н.Отгончимэг /Ховд их сургууль/

Гоцлол дуу:

I байр: Ц.Баадайхүү /Увс Хөдөлмөрийн дээд сургууль/

II байр: Б.Пүрэвсайхан /Дорнод их сургууль/

III байр: Ө.Нямсамбуу /АШУҮИС-ийн Говь-Алтай аймаг дахь Анагаах ухааны сургууль /

Ардын бий биелгээ:

I байр: З.Даваажав /Ховд их сургууль/

II байр: А.Отгонцэцэг /Увс Хөдөлмөрийн дээд сургууль/

III байр: Т.Халиунаа /МУИС-ийн Завхан сургууль/

Гоцлол хөгжим:

I байр: н.Гарил /ХИС-ийн Баян-Өлгий аймаг дахь салбар сургууль/

II байр: н.Энхмэнд /Увс Хөдөлмөрийн дээд сургууль/

III байр: н.Гомбо /Дорнод их сургууль/

Оюутан мисс:

I байр: Б.Отгончимэг /Ховд их сургууль/

II байр: н.Жавзанхорлоо /АШУҮИС-ийн Говь-Алтай аймаг дахь Анагаах ухааны сургууль

III байр: А.Алтынгул /ХИС-ийн Баян-Өлгий аймаг дахь салбар сургууль/

“УНИВЕРСИАД-2018” уламжлалт XXI их наадам сагсан бөмбөг, шатар, үндэсний бөх, ширээний теннис, модон бөмбөг гэсэн спортын 5 төрлөөр хоёр өдрийн туршид явагдаж, дүнгээ гаргалаа.

Үндэсний бөх:

I байр: Г.Цоггэрэл /Увс Хөдөлмөрийн дээд сургууль/

II байр: О.Саран-Од /Увс Хөдөлмөрийн дээд сургууль/

III байр: Л.Даваа-Очир /Архангай МУБИС-ийн салбар сургууль/

Ширээний теннис /эрэгтэй/:

I байр: Б.Баттөгс /Дорнод их сургууль/

II байр: н.Оргихбаяр /МУИС-ийн Завхан сургууль/

III байр: Ц.Отгонзул /Ховд их сургууль/

Ширээний теннис /эмэгтэй/:

I байр: О.Эрдэнэхишиг /Ховд их сургууль/

II байр: н.Эрдэнэсувд /Архангай МУБИС-ийн салбар сургууль/

III байр: н.Энх-Уянга /ХИС-ийн Баян-Өлгий аймаг дахь салбар сургууль/

Ширээний теннис /холимог хосын төрөл/:

I байр: О.Эрдэнэхишиг, Ц.Отгонзул /Ховд их сургууль/

II байр: Б.Баттөгс, Н.Саруул-эрдэнэ /Дорнод их сургууль/

III байр: н.Ганболд, Эрдэнэсувд /Архангай МУБИС-ийн салбар сургууль/

Шатар /эрэгтэй/:

I байр: О.Түвшинтөр /Ховд их сургууль/

II байр: М.Бат-Эрдэнэ /Дорнод их сургууль/

III байр: Б.Занданхүү /Увс Хөдөлмөрийн дээд сургууль/

Шатар /эмэгтэй/:

I байр: А.Саруулзаяа /Дорнод их сургууль/

II байр: Э.Болор-Эрдэнэ /Ховд их сургууль/

III байр: н.Отгон /Увс Хөдөлмөрийн дээд сургууль/

Сагсан бөмбөг /эрэгтэй/:

I байр: Э.Энхзаяа дасгалжуулагчтай, Б.Энхманлай ахлагчтай Хөдөлмөрийн дээд сургуулийн баг

II байр: Д.Баярболд дасгалжуулагчтай, Б.Өнөболд ахлагчтай Ховд их сургуулийн баг

III байр: Архангай МУБИС-ийн салбар сургуулийн баг

Сагсан бөмбөг /эмэгтэй/:

I байр: Д.Баярболд дасгалжуулагчтай, Н.Энхмаа ахлагчтай Ховд их сургуулийн баг

II байр: Э.Энхзаяа дасгалжуулагчтай, н.Байгалмаа ахлагчтай Хөдөлмөрийн дээд сургуулийн баг

III байр: С.Ариунбат ахлагчтай Дорнод их сургуулийн баг

Модон бөмбөг /багийн төрөл/:

I байр: 239 оноогоор Ховд их сургуулийн баг

II байр: 274 оноогоор Хөдөлмөрийн дээд сургуулийн баг

III байр: 276 оноогоор МУИС-ийн Завхан сургуулийн баг

Модон бөмбөг /эрэгтэй/:

I байр: Н.Энхболд /Увс Хөдөлмөрийн дээд сургууль/

II байр: Ё.Чойжил /Ховд их сургууль/

III байр: н.Ганхүү /МУИС-ийн Завхан сургууль/

Модон бөмбөг /эмэгтэй/:

I байр: Б.Дуламханд /Ховд их сургууль/

II байр:  О.Эрдэнэхишиг /Ховд их сургууль/

III байр: Ц.Батнаран /Увс Хөдөлмөрийн дээд сургууль/

“УНИВЕРСИАД-2018” наадмын Эрдэм шинжилгээний бага хурал Хөдөлмөрийн дээд сургуулийн хичээлийн танхимд явагдаж, 7 илтгэл хэлэлцлээ.

I байр: Б.Энхцэцэг - Ховд их сургуулийн оюутан

II байр: О.Баярмаа, Ж.Төгөлдөр - Увс Хөдөлмөрийн дээд сургуулийн оюутан

III байр: Х.Еркегүль – АШУҮИС-ийн Говь-Алтай аймаг дахь Анагаах ухааны сургуулийн оюутны илтгэлүүд шагналт байранд шалгарлаа.

Наадмын хаалтын үйл ажиллагаа Увс аймгийн Бөхийн өргөөнд ёслол төгөлдөр болж, дараагийн XXII их наадмыг зохион байгуулах эрхийн төлөө Дорнод, Баян-Өлгий, Завхан аймгууд өрсөлдөж, Баян-Өлгий аймаг дахь Ховд их сургуулийн салбар сургууль дээр зохион байгуулагдах шийдвэр гарч, тугийг төлөөлөгчид хүлээлгэн өгөв.

МОНГОЛЫН ОЮУТНЫ СПОРТЫН ХОЛБОО