УИХ-ын нэр бүхий таван гишүүний зүгээс Үндэсний аюулгүй байдлын зөвлөлийг нэн яаралтай хуралдуулж нэр бүхий найман шүүгчийн бүрэн эрхийг түдгэлзүүлэхийг шаардахаар болсон байна. Тодруулбал, УИХ-ын гишүүн, Засгийн газрын хэрэг эрхлэх газрын дарга Л.Оюун-Эрдэнэ, УИХ-ын гишүүн Л.Болд, Ж.Батзандан, Т.Аюурсайхан, Х.Нямбаатар нар эдгээр найман шүүгчийг шүүгчийн ёс зүйг уландаа гишгэж, шүүхийн хараат бус байдлыг устгасан хэмээн үзэж байгаа гэнэ. Үүнд нь:
- Улсын Дээд Шүүхийн шүүгч Ч.Хосбаяр,
- Улсын Дээд Шүүхийн Захиргааны танхимын тэргүүн М.Батсуурь,
- Улсын Дээд Шүүхийн шүүгч Ц.Зориг,
- Улсын Дээд Шүүхийн шүүгч Б.Цогт,
- Улсын Дээд Шүүхийн шүүгч Д.Эрдэнэбалсүрэн,
- Нийслэлийн Эрүүгийн хэргийн Давж заалдах шатны шүүхийн шүүгч М.Алдар,
- Нийслэлийн Эрүүгийн хэргийн Давж заалдах шатны шүүхийн шүүгч С.Соёмбо-Эрдэнэ,
- Сүхбаатар дүүргийн Эрүүгийн хэргийн анхан шатны шүүхийн шүүгч Х.Идэр нар багтжээ.
Энэ талаар УИХ-ын гишүүн Ж.Батзандан 3Т.Чимгээ, Б.Содномдаржаа нарыг хэлмэгдүүлж, С.Зориг агсны амь насаа алдсан хэргийг шийдвэрлэсэн болж зохиомлоор жүжиг тавьсан анхан шатны гурван шүүгч, давж заалдах шатны гурван шүүгч, хяналтын шатны таван шүүгч нарыг огцруулахаас шүүхийн шинэчлэл эхэлнэ. Ялангуяа ерөнхий шүүгч Ц.Зориг, Б.Батцэрэн, Ц.Цогт, Ч.Хосбаяр, Д.Эрдэнэбалсүрэн нар бол Ц.Элбэгдоржийн томилсон шүүгчид юм. Тэд генерал Б.Хурцын гар хөл болж, шударга бусын хонгилоор иргэдийг чирж оруулдаг шүүгч нар мөн хэмээн Түр хорооны гишүүд үзлээ. Иймээс Түр хороо өнөөдрөөс эхлэн С.Зориг агсны амь насаа алдсан хэргийг буруу шийдвэрлэсэн, Монгол Улсын иргэдийг хилсээр хэлмэгдүүлж, ял өгсөн Улсын дээд шүүхийн эрүүгийн танхимын таван шүүгчийг огцруулах асуудлыг Ерөнхийлөгчид өргөн барина. Ажлаас нь чөлөөлөх хүртэл бид тэмцлээ зогсоохгүй. Түүнчлэн дээд шүүхийн 8-9 шүүгчид Т.Чимгээ, Б.Содномдаржаа нарыг эрүүдэн шүүж байгаа бичлэгийг үзүүлж, Т.Чимгээ, Б.Содномдаржаа нарыг нэн яаралтай суллуулах тал дээр анхаарч ажиллана” хэмээн мэдэгдэж байсан удаатай.
С.Сүлд
Сэтгэгдэл (20)