Дорноговь аймгийн Замын-Үүд сум дахь Эрүүгийн хэргийн анхан шатны шүүхээс бага насны хүүхэд хүчирхийлсэн этгээдүүдэд 14-15 жилийн хорих ял оноосон байна. Тодруулбал, тус аймгийн прокурорын газраас Эрүүгийн хуулийн 12.1 дүгээр зүйлийн 4 дэх хэсэгт зааснаар яллах дүгнэлт үйлдэж, шүүхэд шилжүүлсэн Ч.Э болон Ч.М-д холбогдох эрүүгийн хэргүүдийг өнгөрсөн сарын 27-ны өдөр хянан хэлэлцэж, шийдвэрлэжээ.
Уг хэргийн талаар тодруулбал, 30 настай, эрэгтэй Ч.Э нь 2018 оны есдүгээр сараас 2019 оны гуравдугаар сар хүртэлх хугацаанд бага насны буюу 9 настай хүүхдийг бэлгийн харьцааны шинжтэй үйлдэл хийж хүчиндсэн, 50 настай, эрэгтэй Ч.М нь бага насны буюу 11 настай хүүхдийг биеэ хамгаалж чадахгүй байдлыг нь далимдуулан удаа дараа хүчиндсэн гэмт хэрэгт холбогджээ.
Замын-Үүд сум дахь Сум дундын шүүх шүүгдэгч Ч.Э, Ч.М нарыг хүчиндэх гэмт хэргийг бага насны хүүхдийн эсрэг үйлдсэн гэм буруутайд тооцож, Ч.Э-д 15 жил, Ч.М-д 14 жил хорих ялыг хаалттай хорих байгууллагад эдлүүлэхээр тус тус шийдвэрлэсэн байна
Сэтгэгдэл (4)