Твиттер хуудаст “Элийрэгч” нэрээр олонд танигдсан иргэн Ц.Уянгыг Зөрчлийн тухай хуулиар 2 сая төгрөгөөр торгохоор болсон байна.

Тодруулбал, Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албанаас Монгол Улсын Ерөнхийлөгчийн Тамгын газрын дэд дарга Г.Байгальмаад хүргүүлсэн албан бичигт “2019 оны зургадугаар сарын 28-ны өдөр цагдаагийн байгууллагад ирүүлсэн “Элийрэгч” /Uyanga_Ts/ гэх нэрээр твиттер хуудсанд бүртгэлтэй иргэн Ц.Уянга нь Монгол Улсын Ерөнхийлөгч Х.Баттулгыг “Ёоорк, Еөк, Жонхуу гэх мэдээр гутаан доромжилж, байгаа бөгөөд энэ хууль бус үйл ажиллагаа нь Монгл төрийн үнэлэмжийг үгүй хийж, үнэгүйдүүлэх хорон муу үр дагавартай тул нэн даруй шалгаж, хариу ирүүлнэ үү” гэх гомдол, мэдээллийг хүлээж авч энэ оны долдугаар сарын 2-ны өдөр Зөрчлийн тухай хуулийн 6.21 дүгээр зүйлийн 1 дэх хэсэгт зааснаар 1902000412 дугаартай хэрэг нээж, хэрэг бүртгэлийн ажиллагаа явууллаа.

Хэрэг бүртгэлийн ажиллагааны хүрээнд цугларсан нотлох баримтаар “Элийрэгч” /Uyanga_Ts/ гэх нэртэй твиттер хуудасны хэрэглэгч иргэн Ц.Уянга нь нийтийн цахим сүлжээнд оруулсан мэдээллүүд нь хүний нэр төр, алдар хүндийг гутаан доромжилсон бодит бус, худал мэдээлэл болох нь тогтоогдсон. Тиймээс Зөрчлийн хуулиар шийтгэл оногдуулж, твиттер хагягийг хязгаарлах Харилцаа холбооны зохиуцуулах хороонд санал хүргүүлсэн гэжээ.

Г.Нацаг