Энэ долоо хоногт болсон онцлох үйл явдлуудаас хүргэж байна.

Өнгөрсөн даваа гарагт АТГ-аас албан тушаалтнуудын авлигатай холбогдох хэргийн дүрсжүүлсэн бичлэгийг цацаж олон нийтийг шуугиулсан. Бичлэгээр МХЕГ-ын Экспорт, импорт, хилийн хорио цээрийн хяналтын Хэлтсийн даргаар ажиллаж байсан Н.Баярсайханы оймсноос боодол ам.доллар гарсан юм. Ийнхүү “мэргэжлийн хяналтын байгууллага гэхээр оймс санагдаж, итгэл төрөхгүй байна” хэмээн иргэд бухимдах болсон. Эл үйлдэл нь төрийн албаны нэр хүндийг дордуулсан тул өндөр хариуцлага тооцох ёстойг иргэд олон нийтийн сүлжээгээр хөвөргөж байлаа. Гэвч иргэдийн хүсэл талаар болж, түүнийг 40 орчим сая төгрөгөөр торгоод өнгөрсөн нь бусад албан тушаалтнуудад сэдэл болж, хэт хөнгөдсөн шийтгэл ногдуулсан гэж үзсэн билээ.

Тэгвэл үүнтэй зэрэгцэн олон улсын Авлигын эсрэг сүлжээнээс Монгол Улсын авлигын эсрэг орчинд хийсэн үнэлгээний тайланг танилцууллаа. Тухайлбал, өмнөх онуудад өгсөн зөвлөмжийг биелүүлээгүй байна. Түүнчлэн албан тушаалтнуудын авлигын томоохон хэргүүд улсыг хямрааж байгааг онцолсон. Мөн энэ үеэр АТГ төрийн өндөр албан тушаалтан, улс төрөөс хэт хамааралтай байгаагаас гадна Эрүүгийн хуулийн шинэчилсэн найруулга олон улсын стандартыг хангахгүй байна хэмээн дүгнэсэн юм.   

Түүнчлэн Булган аймгийн Сэлэнгэ суманд өнгөрсөн дүрэвдүгээр сарын 13-ны өдөр ойн түймрийн улмаас дөрвөн албан түлэгдсэн талаарх мэдээллийг өмнө нь хүргэсэн. Тэгвэл ажил үүргээ гүйцэтгэж байгаад түлэгдсэн дөрвөн залуугийн эмчилгээ, сувилалд Онцгой байдлын газраас ихээхэн анхаарч байгаа талаар ОБЕГ-ын Тэргүүн дэд дарга, бригадын генерал Г.Ариунбуян манай сайтад өгсөн ярилцлагадаа онцолсон юм. Тухайлбал, галд түлэгдсэн алба хаагчид хуульд заасан хүрээнд ар гэрт нь тус бүр нэг сая төгрөгийн мөнгөн тусламж, болон бусад эмчилгээ сувилгааг тогтмол явуулж байгаа юм байна. Мөн дээрх алба хаагчидтай холбоотой материалыг Засгийн газрын нөөц сангаас 10 орчим сая төгрөг гаргуулахаар ажиллаж байгааг дуулгасан юм. Ажил үүргээ гүйцэтгэж байгаад галд өртсөн залуусын эмчилгээ дууссаны дараа ажиллах нөхцөлийг нь хөнгөрүүлэн, цалин урамшууллыг нь хэвээр үлдээж, ажилд нь оруулахаар шийдвэрлэсэн байна.   

Мөн торгуулиа төлөөгүй 63 мянган жолооч нарыг шүүхэд хандахаар болжээ. Тухайлбал, хотын түгжрэлийг бууруулах зорилгоор автозамыг А, В, С бүс болгон хуваасан. Ингэхдээ торгуулиа төлөөгүй жолоочийг А, В бүс рүү нэвтрүүлэхгүй байхаар зохицуулсан. Манай улсад нийт 871.350 тээврийн хэрэгсэл бүртгэлтэйгээс 57.6 хувь нь буюу 501.934 нь нийслэлд байдаг байна. Үүнээс 10 орчим хувь нь буюу 63 мянган тээврийн хэрэгсэл торгуулиа төлөөгүй байна.

Ингээд “оймсны” бичлэг олныг шуугиулж, манай улсын балетчдын тамирчид олон улсын тэмцээнд амжилттай оролцсон долоо хоног болж өнгөрлөө.

Б.Лхам