Нийслэлийн Газрын албанаас зохион байгуулж буй газар чөлөөлөлтийн ажил үргэлжилж байна.

Тухайлбал, Баянгол дүүргийн 14 дүгээр хороо, Өргөө кино театрын зүүн хойд талд "Дэсөн" ХХК нь нийтийн эзэмшлийн зам талбайгаас хашаалж явган хүний зам нарийсгасан, нийтийн эзэмшлийн талбайд зөвшөөрөлгүй обьект барьсан зөрчлийг арилгуулан нийтийн эзэмшлийн зам талбайг чөлөөллөө.

Түүнчлэн Баянгол дүүргийн 19 дүгээр хороо "Номун" эмнэлгийн зүүн талд "Бүрд пропертиз" ХХК нь зөвшөөрөгдсөн хэмжээнээс илүү талбай хашаалсан байжээ.  Тиймээс зөрчилд уг хашааг татуулж, явган хүний зам талбай хааж зөвшөөрөлгүй барьсан тоосгон гараж буулгаж нийтийн эзэмшлийн зам талбайг чөлөөлөхөөр ажиллаж байна.