Мэргэжлийн хяналтын ерөнхий газрын хэлстийн дарга нартай холбоотой авлига, албан тушаалаа урвуулан ашигласан хэргийн талаарх бичлэгийг Авлигатай тэмцэх газраас олон нийтэд задалсан нь саяхан. Үүнтэй холбогдуулж нэр бүхий хэлстийн даргыг УИХ-ын гишүүн Ш.Раднаасэдтэй холбоотой тухай мэдээлэл олон нийтийн сүлжээ болон хэвлэлээр гараад байсан юм. Үүнтэй холбоотойгоор УИХ-ын гишүүн Ш.Раднаасэд Авлигатай тэмцэх газарт өөрийгөө шалгуулахаар хүсэлт хүргүүлжээ. Энэ дагуу тус газраас гишүүн Ш.Раднаасэдэд албан бичгээр хариу хүргүүлсэн байна.
Албан бичигт “Мэргэжлийн хяналтын ерөнхий газрын Экспорт, импорт, хилийн хорио цээрийн хяналтын газрын дарга асан Э.Аззаяа, хэлтсийн дарга Н.Баярсайхан нарын 25 хүнд холбогдох бусдаас хахууль авсан, өгсөн тухай эрүүгийн ... дугаартай хэрэгт мөрдөн шалгах ажиллагаа явуулж, шүүхэд шилжүүлснийг 2019 оны тавдугаар сарын 8-ныд Чингэлтэй дүүргийн Эрүүгийн хэргийн анхан шатны шүүх хянан хэлэлцэж шийдвэрлэсэн.
Уг хэрэгт гэмм буруутайд тооцогдсон Н.Баярсайхан нь “Авсан хахууль болгоноосоо Ааяад тэдэн төгрөг, тэдэн хувийг өглөө гэх тэмдэгдэл үйлдсэн байсан. Ааяа гэгч нь УИХ-ын гишүүн Ш.Раднаасэд” гэх мэдээлэл наймдугаар сарын 29-ний өдрөөс нийгмийн сүлжээнд тараагдсан байна.
Тус газраас мөрдөн шалгах ажиллагаа явуулж, шүүхээр шийдвэрлэгдсэн Э.Аззаяа, Н.Баярсайхан нарт холбогдох эрүүгийн хэрэгт дээрх ут га бүхий тэмдэглэл, мэдээлэл илэрч шалгагдаагүй болохыг үүгээр хүргүүлж байна” гэжээ.
Авлигатай тэмцэх газрын Тамгын хэлтсийн дарга, эрхэлсэн комиссар З.Баасаннямын гарын үсэг бүхий эл хариу тайлбараас харахад Н.Баярсайхан нарт холбогдох хэрэгт гишүүн Ш.Раднаасэдийг хамааралгүй болохыг ийн мэдэгдсэн бололтой.
С.Сүлд
Сэтгэгдэл (7)