УИХ-ын намрын ээлжит хуралдаан үргэлжилж байна. Хуралдаанаар Арабын Нэгдсэн Эмират улсад Элчин сайдын яам нээх эсэх талаар санал хураалаа.
Харин Д.Тэрбишдагва “Та улс төр энэ тэр асуудлаас болсон гэж шахааны асуудлыг ярьлаа. Өнгөрсөн жилээс дипломат албатай холбоотой асуудал олон гарсан. Та үүнд эмзэглэх хэрэггүй. Энэ бүхнийг засах ёстой. Арабын Нэгдсэн Эмират улсад Элчин сайдын яам байгуулахыг дэмжиж байна. Монгол улсын нүүр царай бол эдийн засгийн асуудалд анхаарч ажиллах ёстой. Эдийн засгаас хамааралтай болохоор сөрөг үр дагавар их гардаг. Эмират бол манайхтай их адаилхан. Байгалийн баялаг, сангуудын асуудлаар ч тэр. Дараагийн нэг асуудал нь оффшор бүс гэж яриад байгаа санхүүгийн чөлөөт бүс байна. Эмиратад санхүүгийн чөлөөт бүс байгуулах замаар эдийн засгаа босгож байна. Үүнийг бодооч.
Дараагийн нэг асуудал нь тэднийх махныхаа дийлэнхийг гаднаас авдаг. Хамгийн өндөр үнэтэй мах худалдаж авдаг газар. Хурга, туглын мах авдаг хүмүүс.
Үүнийг анхаарах хэргэтэй. Хөлөөр нь мал гаргадаг асуудлыг анхаар. Арабууд гээд мөнгөтэй хүмүүс мах авъя гээд байна шүү дээ. Аялал жуучлалын салбарыг хөгжүүлэх замаар тэдний мөнгийг авахад анхаар. Дээд зэрэглэлийн аялал жуучлалыг хөгжүүлэх боломж бидэнд бий шүү" гэж Д.Цогтбаатар сайдад хандаж хэлэв.
Харин Д.Цогтбаатар сайд үүний хариуд “Гишүүний хэлсэн эхний шүүмж үгийг хүлээж авч байна. Ажлын орон зай хэзээд байдаг. Сайжруулж байна. Миний хүч хүрэх зүйл байна. Хүрэхгүй зүйл ч байна. Дэлхийн олон улстай ойлгож чадсан юм чинь бид хоорондоо ойлголцож чадах байх аа. Таны хэлсэн үнэхээр үнэн. Эмираттай хамтрах боломж бий. Гол нь манайх төслөө сайн боловсруулах хэрэгтэй байна.
Нэг онцлог нь мөнгө ихтэй болохоороо юу ч бариад очсон хөрөнгө оруулалт шууд хөрөнгө оруулалт хийнэ гэж хүмүүс боддог. Уучлаарай тийм зүйл байхгүй ээ.
Гоё сайн зүйл байвал зоригтой хөрөнгө оруулалт хийдэг хүмүүс. Гаднын менежерүүд менежментийг нь хийдэг юм шүү. Аялал жуучлалыг хөгжүүлэх нь зөв. Манайд ирэх сонирхол 100 хувь тэндэнд бий. Бид үүнийг ашиглах ёстой" гэлээ.
Үүний хариуд Тэрбишдагва “Махны асуудоыгн онцгой анхаарах хэрэгтэй. Сүүлийн жилүүдэд хагас боловсруулсан байдлаар гаргаж байснаа эцэстээ хөлөөр нь гаргах гэж үзлээ. Монголын махны амт, чанарыг мэдрүүлчихээд менежмэнтээ хиймээр байна.
Ийнхүү гишүүд санал хэлж, хариулсны дараа Арабын Эмират Улсад Элчин сайдын яам байгуулах санал хураалтад 48 гишүүн оролцож, 26 гишүүн дэмжсэнээр тогтоолын төсөл дэмжигдлээ.
Г.Эрдэнэ
Сэтгэгдэл (2)