Дуучин Б.Амархүүд холбогдох давж заалдах шатны шүүх хурал өнөөдөр болж, шүүхээс хэргийг мөрдөн байцаалтад буцааж, суллах шийдвэр гарчээ.

Тодруулбал, өнгөрөгч есдүгээр сарын 19-нд тэрбээр автошиндаа  хар тамхи хэрэглэж байсныг ЦЕГ-ын Хар тамхитай тэмцэх газрын алба хаагчид илрүүлэн улмаар Цагдан хорих 461 дүгээр ангид саатуулсан юм.

Ингээд түүнд холбогдох шүүх хурал Хан-Уул дүүргийн эрүүгийн хэргийн анхан шатны шүүхэд аравдугаа сарын 29-нд болж, шүүхээс Эрүүгийн хуулийн тусгай ангийн 20.7 дугаар зүйлийн хоёр дахь хэсэгт зааснаар мансууруулах эм худалдаалах зорилгогүйгээр бэлтгэсэн, хадгалсан гэмт хэрэгт холбогдуулан хоёр жилийн хорих ял оноосон ч тэрбээр өмгөөлөгчөөрөө дамжуулж давж заалдахаа мэдэгдсэн. Ийнхүү хэргийн давж заалдах шүүх хурал өнөөдөр болж, шүүхээс суллах шийдвэр гаргажээ.

А.Сүх