Монгол Улсын гавьяат тамирчин П.Орхон 2018 оны Жакартагийн Азийн наадмын үеэр сэргээшийн төрлийн бэлдмэл хэрэглэсэн гэх UWW буюу Дэлхийн бөхийн холбооны шийдвэрийг CAS буюу Спортын арбитрын шүүхээс хэвээр үлдээн баталжээ. Энэ талаар Дэлхийн бөхийн нэгдсэн холбооны албан ёсны хуудсанд мэдээллэсэн бөгөөд П.Орхоны барилдах эрхийг 2022 оны есдүгээр сарын 16-ныг хүртэл хассан гэжээ.
П.Орхоны шинжилгээний сорьцыг OCA буюу Азийн олимпийн консуль өнгөрсөн 2018 оны наймдугаар сарын 20-нд Дэлхийн допингийн эсрэг агентлагийн Доха хотын салбарт шинжлүүлсэн байна. Шинжилгээгээр станзопол гэх 2018 онд хориотой эмийн жагсаалтын S1.1A ангилалд бүртгэгдсэн эмийг хэрэглэсэн нь илэрсэн учир Жакартагийн Азийн наадмын чөлөөт бөхийн эмэгтэйчүүдийн -62 кг жингийн медалийн жагсаалтыг шинэчилсэн байна. Тодруулбал, алтан медалийн эзнээр Киргизстаны Айсулуу Тинибекова, мөнгөн медалийг Японы Рисако Кавай, хүрэл медалийг Вьетнамын Нгуен Ти Ми Хан, Ардчилсан Солонгос улсын Рим Жон Сим нарт хүртээсэн байна.
Эх сурвалж: https://unitedworldwrestling.org/article/purevdorj-suspended-after-anti-doping-violation-asian-games
Сэтгэгдэл (2)