Төрийн байгуулалтын байнгын хороогоор УИХ-ын сонгуулийн тухай хуулийн эцсийн хэлэлцүүлгийг хийж байна. Энэ үеэр гишүүд үг асууж, хариулт авлаа.
О.Баасанхүү: Ял нь дуучихсан гишүүн нэр дэвшиж болох юм уу. Энд тайлдбар өгөөч. Та нарын өмнөөс ажил хийгээд байна гэж хэлээд байгаа нь энэ байхгүй юу.
Ажлын хэсэг: Төрийн албаны тухай хууль шинэчлэгдэн батлагдсан. Эрүүгийн хуульд төрийн жинхэнэ албан хаагч гэж авлига, албан тушаалын гэмт хэрэг хийсэн, ял эдэлж байгаагүй байх гэж заасан. Тиймээс улс төрийн шийдвэр гаргадаг этгээд ч ял эдэлж байгаагүй хүн нэр дэвшинэ гэсэн байр суурьтай байгаа.
Д.Эрдэнэбат: Сонгуулийн хуульд нэр дэвшигчийн мэдээллийг цаасан хэлбэрээр өгөхийг хориглосон заалт бий юу. Нэг талддаа өгнө гээд, нөгөө талдаа хоригло гээд байх юм.
Ажлын хэсэг: Энэ заалт 21.4 гэж орж байгаа. Харин 21.15 дээр цахим хэлбэрээр намуудад өгнө. Зөвхөн цахим хэлбэрээр тараасан агуулгатай гэсэн үг. Тэгэхгүй бол хувь хүний нууцтай холбоотой асуудал яваад байна.
С.Бямбацогт: Ижил ургийн овог, нэртэй, нэг хаягтай, төрсөн он сар нь адилхан хоёр хүн санал өгөх асуудал гарч байсан. Эцэстээ ихэр хүүхэд болж таарсан. Тухайн үед бөөн сенсааци болж байсан шүү дээ. Ийм асуудал гарахгүй гэх баталгаа юу байна.
Ажлын хэсэг: Нийслэлийн хэмжээнд эцгийн болон өөрийн нэр давхардсан 118419 иргэн байна. Харин хөдөө орон нутагт 131712 иргэн байна. Хоёр ихэр хүүхэддээ ижил нэр өгсөн гэр бүл ч бий. Ингээд нэг хүн хоёр өөр газар санал өгчихсөн юм шиг харагдаад байгаа юм. Гарын хурууны хээгээр өгснөөр нэг хүн олон удаа сонгууль өгөх боломжгүй. Энэ асуудлаар гомдол гарч байгаагүй. Харин нэг хүн олон хуурамч иргэний үнэмлэх бариад санал өгвөл эрүүгийн гэмт хэрэг.
Д.Эрдэнэбат: Давхар заалт байгаа юм уу хаашаа юм. Сонгогчийн нэрийн жагсаалтыг хувилж хэвлэхийг хориглоно гэсэн байна. Цахим хэлбэрээр тараагаад цаасаар өгөх нь зөрчилдөөд байна. Цахим хэлбэрээр тараасан нь хувилж байгаа хэлбэр биш юм уу.
Ажлын хэсэг: Сонгогчийн нэрийн жагсаалтыг цахим хэлбэрээр нэг удаа өгнө. Харин өөр бусад хэлбэрээр хувилж тараахыг нь хориглож байгаа юм.
Б.Лхам
