УИХ-ын чуулганаар Эрүүгийн хуульд нэмэлт, өөрчлөлт оруулах эсэх талаар хэлэлцэж байна. Хөөн хэлэлцэх хугацаатай холбоотой хуулийн төслийг нийт гишүүдийн 67 хувиар дэмжлээ.

Д.Лүндээжанцан: Эрүүгийн хуулийн нэмэлт, өөрчлөлт дээр зарим зүйлийг гайхаж байна. Яллагдагч болон шүүгдэгч оргон зайлбал эсвэл хэргээ өөрөө илчилж ирсэн өдрөөс эхлэн хөөн хэлэлцэх хугацааг тооцно гэж байна. Энэ өмнө нь байсан заалт шүү дээ. Би уг нь Эрүүгийн хуулийн хүн биш учраас дуугүй суугаад байдаг юм. Малын хулгай гэхэд тусгай тогтоодог байсан олон шалгуур байдаг байсан. Амьжиргааны саалийн үнээ нь хэдэн бодноос илүү үнэтэй. Хүний амьжиргаатай холбоотой хүндрүүлэх нөхцөл байдал тогтоогддог. Гэтэл ийм механик заалт орж ирсэн байна. Хуулиа хэрэглэхэд тэр хүний амьжиргаанд ямар нөлөө үзүүлэв гэж. Энэ мэт асуудал цөм хуучин Эрүүгийн хууль дээр хэрэглэж ирсэн. Одоо алга болчихоод дахин яригдаад байгаа юм уу. Бид ингэж ярьж, ярьж  кноп дардаг. Дараагаар нь өөр юм ярьдаг шүү.

Х.Нямбаатар: Их хурлын гишүүдээсээ нэг зүйлийг хүсье. Одоо хүчин төгөлдөр мөрдөгдөж байгаа хуульд ч ялгаагүй өнчин ишиг хулгайлсан ч таван жил хүртэл хорих ялтай байгаа. Харин иргэдийн зүгээс хууль хэрэгжихгүй нөгөө хүн нь тэнсэн авч гадуур чөлөөтэй явж байна гэсэн асуудал л бий. Сая О.Баасанхүү, Д.Лүндээжанцан нарын гишүүний үгэнд ч гарлаа. 2015 онд гарсан хууль нь давтан шинжээр нь хүндрүүлэхгүй байгаад гол зүйл нь байна. Хэрэг бүртгэх мөрдөн байцаах хугацаанд хөөн хэлэлцэх хугацаа байхгүй.

Г.Занданшатар: Энэ асуулт хариултын цаг биш. Асуулт, хариулт дээр нэмж асуугаарай.

Б.Лхам