УИХ-ын чуулганаар Сонгуулийн тухай хуулийн төслийг хэлэлцэж байна. Тус хуралдаанаар авлига албан тушаалын хэрэгт холбогдож, гэм буруутай нь шүүхээс тогтоогдсон бол нэр дэвшихийг хориглох заалтыг хуулийн төслөөс хасахыг гишүүд дэмжсэнгүй.

Тодруулбал, УИХ-ын чуулганы энэ сарын 18-ны хуралдаанаар Сонгуулийн тухай хуулийн төслийн анхны хэлэлцүүлгээр дээрх заалтыг дэмжсэн ч Төрийн байгуулалтын байнгын хорооны хуралдаанаар хуулийн төслөөс хасахыг дэмжсэн юм. Үүний дагуу чуулганы өнөөдрийн хуралдаанаар авлига, албан тушаалын хэрэгт холбогдож, гэм буруутай нь тогтоогдвол нэр дэвшүүлэхгүй байх гэсэн заалтыг хуулийн төслөөс хасах саналд санал хураахад УИХ-ын гишүүдийн олонх нь эсэргүүцлээ.

Г.Нацаг