НМХГ, НОБГ-аас сайжруулсан түлштэй холбоотой асуудлаар мэдээлэл хийлээ.
НОБГ-ын Гашмгаас урьдчилан сэргийлэх хэлтсийн дарга, хурандаа Г.Нэргүй “Сайжруулсан шахмал түлшний борлуулалт, тээвэрлэлт, түгээлтэд онцгой анхааран ажиллаж байна. Иргэдээс нийслэлийн төвийн зургаан дүүргийн 25 өндөрлөг цэгт нам дор газраас түлшээ авч явахад хүндрэлтэй байна. Тиймээс түлшийг ойртуулан өгөх арга хэмжээ авч өгөх хүсэлтийг удаа дараа өгсөн юм. Энэ хүрээнд Ерөнхий сайдын захирамжаар туулах чадвар бүхий 27 автомашиныг үйлчилгээнд гаргаж байна. Аравдугаар сарын 1-ээс ЦЕГ, НОБГ, НМХГ-аас төвийн зураан дүүрэгт шуурхай штаб байгуулан ажиллаж байна. Мөн хариуцлагатай албан хаагчид хөдөлгөөнт эргүүлийн үүргийг гүйцэтгэж өдөр бүр бүх цэг дээр очиж хяналт тавин ажиллаж байна. Өнөөдрөөс эхлэн ЕБС-ийн сурагчдын амралт эхэлж байна. Энэ хүрээнд эцэг эхчүүд бага насны хүүхдүүдийг хараа хяналтгүй орхихгүй байхыг анхааруулж байна. Томчууд өөрсдөө түлж сурахад нэлээд цаг хугацаа авсан шүү дээ. Гэтэл бага насны хүүхдүүдийг ах эгч нарт нь даатгаад үлдээдэг. Тиймээс ар гэртээ үлдээж байгаа хүүхдийнхээ аюулгүй байдалд анхааруулах зайлшгүй шаардлагатай байна” гэв.
НМХГ-ын дэд дарга С.Даваасүрэн “Айл өрхөд байгаа түүхий нүүрсийг Багануурын уурхайн нүүрсний үнээр бодож сольж авах, эдгээлийг түүхий нүүрс түлэх зөвшөөрөлтэй уурын зууханд өгөх ажлыг өнгөрсөн амралтын өдрүүдэд зохион байгууллаа. Энэ хүрээнд 34 иргэний 82.8 тонн нүүрсийг байгаа цэгээс нь тээвэрлэн авч, зөвшөөрөл бүхий аж ахуйн нэгжүүдэд шилжүүллээ. Нэгэнт ийм шийдвэр гарсан учраас иргэд өнжмөл нүүрсээ мөнгөн баримтаар шилжүүлээд сольж авч болно.
Өнгөрсөн долоо хоногт түүхий нүүрс түлэх зөвшөөрөлтэй аж ахуйн нэгжүүдэд шалгалт хийсэн. Энэ үеэр зөрчил гаргасан аж ахуйн нэгжүүдийн зөрчлийг арилгуулах, торгуулийн арга хэмжээ авах зэрэг арга хэмжээ авсан ч шалгалтын дараа аж ахуйн нэгжүүд мөн л шүүлтүүрээ ажиллжжлахгүй байх зөрчил гарч байна. Энэ сарын 22-ны шөнө гарсан эргүүл Баянзүрх дүүрэгт нэг зөрчил илрүүлсэн. Газар дээр нь шалгахад шүүлтүүр эвдэрсэн. Маргааш засна гэж хэлсэн. Бид нэг хоногийн өмнө хэлээд л хэрэгжилтийг биелүүлэхийг шаардаад байгаа юм биш. 2018 оноос хойш ярьсан асуудал шүү дээ. Тогоо хэмнэж шүүлтүүрээ ажиллжжлдахгүй гэж хэлж болохгүй. Нийслэлчүүдийн амь настай холбоотой асуудал учраас шалгалтыг тогтмол явуулна” гэв.
Агаарын чанарын хувьд хүхэрлэг хийн азотын исэл өнгөрсөн оны мөн үетэй ойролцоо түвшигд байгаа бол PM10 тоосонцор буурсан хувьтай гарчээ.
Б.Лхам
